AQSh prezıdenti Barak Obama aldaǵy jylǵy aqpan aıynda Reseıdiń Sochı qalasynda ótetin qysqy Olımpııalyq oıyndardy kórýge bara almaıtynyn málimdedi. Bul týraly Washington Examiner saıty habarlady.
«Prezıdent Barak Obama jumys kestesiniń tyǵyzdyǵyna baılanysty Sochıdegi Olımpıadaǵa bara almaıtynyn málimdedi», - dep habarlady atalmysh saıt.
Aq úıdiń basshysy bul týraly ózi ótkizgen baspasóz máslıhatynda aıtqan.
«Men ótken jylǵy Olımpıadaǵa da qatysa alǵanym joq. Endi Sochıge barýdyń da reti kelmeıin dep tur», - dedi Obama.
«О́zimizde mańyzdy ister bastan asyp jatqan kezde men Olımpııalyq oıyndarǵa bara almaımyn, biraq qatty barǵym da keledi», - dep atap ótti ol.
Barak Obamanyń Sochıdegi qysqy Olımpıadaǵa bara almaıtyny budan buryn da habarlanǵan bolatyn. Onyń ornyna AQSh delegasııasy quramyna burynǵy ulttyq qaýipsizdik mınıstri Djanet Napolıtano engizildi.
Sáken Maılybaı.
Derekkóz: Washington Examiner.