Qostanaı oblysynda armatýra shyǵaratyn zaýyt iske qosyldy. Bul týraly «24 kz» habarlady.
Tobyl óńiriniń turǵyndary endi «altyn astyǵymen» ǵana emes, ózderinen shyǵarylatyn bolat ónimderimen maqtana alady. О́ıtkeni, bul armatýra zaýyty qurylys boıynsha elimiz ishki suranysynyń 50 paıyzyn qamtı alady. Jalpy, osy óndiristiń paıdalanýǵa berilýine 131 mln. dollar jumsalǵan.
Mamandar sózimen aıtqanda, óndiriske qoldanylatyn som temirler Reseıden jetkiziledi eken. «Temirdi 1300 gradýsqa deıin qyzartyp, 8 mm-den, 40 mm-ge jetkizemiz de, armatýra qalpyna keltiremiz. Bul qurylysqa paıdalanylatyn negizgi materıal bolyp esepteledi»,-deıdi transporttyq óndiris bıýrosynyń basshysy Saparhan Hákimov.
Zaýyt keler jyldyń alǵashqy jarty jyldyǵynda ónim kólemin arttyrýdy kózdep otyr. Zaýyttyń qarjy dırektory Ádil Belǵojaevtyń aıtýynsha, jalpy elimiz qurylysyna 1 mln. tonnadaı armatýra qajet bolatyn bolsa, sonyń 450 myńyn osy jerden shyǵarýdyń múmkindigi bar. Buryn daıyn armatýra Reseı men Ýkraına elinen tasymaldanǵan eken.
Qazir bul zaýyt jergilikti óńirdegi 250-den asa adamdy jumyspen qamtyp otyr. Eńbekkerlerdiń ortasha jalaqysy – 160 myń teńge. Al jospar boıynsha 8 jyl ishinde zaýytty qalyptastyrýǵa jumsalǵan qarjy tolyǵymen óteledi.
Baqytbek Keneshuly.
Derekkóz: «24 kz»
Foto: «24 kz».