AQSh-taǵy Ielloýston ulttyq saıabaǵynyń astynan tabylǵan výlkannyń qurlyqty tutas joıyp jiberýge kúshi jetetini anyqtaldy. Bul týraly Segodnya.ua habarlady.
Janartaý sońǵy ret 640 jyl buryn atqylaǵan eken. Geologtar onyń quramyndaǵy qyzǵan magmalardyń mólsheri burynǵydan qaraǵanda áldeqaıda kóbeıgenin baıqaǵan.
San-Fransıskoda ótken Amerıka geofızıka odaǵynyń konferensııasynda Iýta ýnıversıtetiniń ǵalymdary atalmysh janartaý atqylaǵan jaǵdaıda, onyń tutas qurlyqqa apat ákelý múmkindigin málimdedi. Alaıda, ǵalymdar výlkannyń kólemi jóninde bir pikirge kele almaı otyr. Iýta ýnıversıtetiniń ǵalymdary osy máselege núkte qoıý úshin, ulttyq saıabaq aýdanynda zertteý jumystaryn júrgizdi.
Alynǵan derekterge sáıkes, janartaý ishindegi magma mólsheri burynǵy kórsetkishten 2,5 ese asyp túsken. «Biz munda uzaq ýaqyt zertteý júrgize kele janartaý kólemi durys eseptelmegen dep boljadyq. Deı tura, zertteý nátıjesin kórip qaty tań qaldyq», – dedi Iýta ýnıversıtetiniń professory Bob Smıt.
Aıdar О́risbaev.
Derekkóz: Segodnya.ua
Foto: Traveler-mir.com