Sh.Aımanov atyndaǵy «Qazaqfılm» kınostýdııasynda túsirilgen rejısser Ermek Tursynovtyń «Shal» fılmi «Oskar» syılyǵynyń «Shet el tilindegi úzdik» nomınasııasy boıynsha talasty odan ári jalǵastyratyn kartınalar tizimine kirmeı qaldy. Bul týraly «Qazaqstan jańalyqtary» agenttigi habarlady.
«Oskarǵa» úmitti toǵyzdyń qatarynda belgııalyq Felıks Van Groengnenniń «Shektelgen sheńber», bosnııalyq Danıs Tanovıchtiń «Temir jınaýshynynyń ómirinen oqıǵa», kambodjalyq Rıtı Panhtyń «Joǵalǵan jańalyq», dat Tomas Vıntenbergtiń «Ańshylyq», nemis Georg Maastyń «Eki ómir», gonkongtik Vong Kar Vaıdyń «Uly sheber», vengr Iаnosh Sastyń «Qalyń dápter», ıtalıan Paolo Sorrentınonyń «Uly sulýlyq» jáne palestınalyq Hanı Abý Assadtyń «Omar» dep atalatyn lentalary qaldy.
«Shet et tilindegi úzdik fılm» nomınasııasynan úmitkerler qatarynda Ermek Tursynovtyń «Shal» fılminen bólek, Fedor Bondarchýktiń Reseıde IMAX 3D formatynda túsirilgen birinshi kartınasy – «Stalıngrad» ta boldy.
«Shal» prokatqa 2012 jylǵy 11 qazanda shyqty. Qarasha aıynda ol «Jyl tańdaýy» syılyǵynyń «Jyl fılmi» atalymy boıynsha jeńimpaz tanyldy. Al basty rólde oınaýshy Erbolat Toǵyzaqov «Jyl kınoakteri» nomınasııasynyń «Altyn adam» músinin aldy. 2013 jylǵy qyrkúıekte fılm «KınoShok-2013» ashyq festıvalinde bas báıge alsa, akter Erbolat Toǵyzaqov úzdik er adam róli ataldy.
Bul Ermek Tursynovtyń «Oskardyń» long paraǵyna kirgen birinshi fılmi emes. 2010 jyly onyń «Kelin» kartınasy da «Oskardyń» talqylaýyna jatatyn dúnıeler quramyna kirip, short-paraqta atyn qaldyrdy.
Murat Aıtqoja.
Derekkóz: Qazaqstan jańalyqtary.