Taıland saılaý komıssııasy parlamenttiń kezekten tys saılaýyna qatysýǵa nıet bildirgen 34 saıası partııanyń qujattaryn qabyldady. Bul týraly ITAR-TASS habarlady.
Komıssııa jetekshisi Sýpachaı Somcharoennyń aıtýy boıynsha, olarǵa barlyq qujattardy tekserip, saılaýǵa tirkeý jóninde sheshim qabyldaý úshin birneshe kún qajet. Bangkokta partııalar tarapynan usynylǵan úmitkerlerdi tirkeý 23-27 jeltoqsan aralyǵynda júzege asyrylady. Sýpachaı Somcharoen úkimetke qarsy ereýilshilerdiń saılaýdy buzýǵa qansha áreket etkenimen is-shara mezgili men ótkiziletin orny ózgermeıtinin alǵa tartty.
Búgin Bangkoktaǵy qujattar qabyldaý sharasy ótken taı-japon sport alańyn ereýilshiler qorshap aldy. Munda tek toǵyz partııa ǵana qujattaryn tapsyryp úlgergen. Qalǵandary alańǵa kire almaı, qujattaryn jaqyn jerdegi polısııa ýchaskelerine tapsyrýǵa májbúr bolǵan.
Aıdar О́risbaev.
Derekkóz: Itar-tass.com
Foto: News.tochka.net