Qazaqstan Qarýly kúshteri Qaraǵandy oblysy aýmaǵyndaǵy jolda qalyp qoıǵan 120 adamdy qutqardy. Bul týraly Qorǵanys mınıstrliginiń baspasóz qyzmeti habarlady.
Qarly burqasynda «Almaty – Ekaterınbýrg» trassasynda, ıaǵnı Qaraǵandy qalasynan 47 shaqyrym qashyqtyqta 12 júk kóligi, 10 jeńil avtokólik, sondaı-aq júrginshiler mingen avtobýs jolda qalǵan. Qar úıindileriniń bıiktigi keı jerlerde 2 metrge deıin jetti. Kólikterdi qaýipsiz aımaqqa ornalastyrý úshin Spassktegi oqý-jattyǵý ortalyǵynyń qolbasshylyǵy arnaıy tehnıka bólgen.
Jalpy aıtqanda, áskerı qyzmetshiler jarty jolda qalǵan azamattardyń dittegen jerine jetýine kómek berdi. Al óz kezeginde qar qursaýynan qutqarylǵandar, qutqarý jasaǵynyń basshysy, maıor Leonıd Maklakovqa jáne birqatar áskerı qyzmetshilerge alǵystaryn aıtty.
Qarýly Kúshterdiń apattyq-qutqarý toby kez-kelgen ýaqytta qazaqstandyqtarǵa kómekke kelýge ázir.
Baqytbek Keneshuly.
Derekkóz: Qorǵanys mınıstrligi
Foto: « 1Eýrazııa» telearnasy.