Aýa raıynyń qolaısyzdyǵyna baılanysty elimizdiń birneshe óńirinde kólik qozǵalysyna shekteý qoıyldy, dep habarlaıdy Egemen.kz Indýstrııa jáne ınfraqurylymdyq damý mınıstrliginiń resmı Telegram-kanalyna silteme jasap.
12 aqpan saǵat 00:00-de Almaty oblysynda qolaısyz aýa raıyna (tuman, kóktaıǵaq) baılanysty «Ekaterınbýrg-Almaty» avtojolynyń 2300-2380 shaqyrymyndaǵy Qanshengel Qurty aýyldarynyń arasyndaǵy jol bóliginde («SPIK Akkord»AQ qaıta qurý ýchaskesinde) kóliktiń barlyq túrleriniń qozǵalysyna shekteý engizildi.
Sondaı-aq búgin 00:30-da Batys Qazaqstan oblysynda aýa raıynyń kúrdelenýine (jańbyr, kóktaıǵaq, tuman) baılanysty «Samara-Shymkent» avtojolynyń 195-246 shaqyrymynda Reseı shekarasy men Oral qalasy aralyǵyndaǵy jol bóliginde barlyq kólik túri úshin jol jabyldy.
Sonymen qatar búgin saǵat 00:30-da Almaty oblysynda qolaısyz aýa raıyna (jańbyr, keı jerlerde kóktaıǵaq, joldyń kórinbeýi) baılanysty «Almaty-Shelek-Qorǵas» avtojolynyń 25-320 shaqyrymynda Arman - Altynkól jol bóliginde («QazAvtoJol» UK» AQ aqyly avtokólik joldary dıreksııasyna qaraıtyn ýchastok) barlyq kólik túri úshin qozǵalysqa shekteý engizildi.
12 aqpan saǵat 06:30-da Aqtóbe oblysynda aýa raıynyń nasharlaýyna (jańbyr, kóktaıǵaq) baılanysty «Aqtóbe-Atyraý-Reseı shekarasy shekarasy» avtojolynyń 11-92 shaqyrymynda Aqtóbe -Qandyaǵash qalalarynyń aralyǵyndaǵy jol bóligi («SPIK Akkord»AQ qaıta qurý ýchaskesinde) barlyq kólik túri úshin jol jabyldy.
Sondaı-aq 12 aqpan saǵat 06:30-da Aqtóbe oblysynda qolaısyz aýa raıyna (jańbyr, kóktaıǵaq) baılanysty «Samara-Shymkent» avtojolynyń 773-836 shaqyrymy, Belogorka - Hromtaý arasyndaǵy jol bóliginde barlyq kólik túri úshin qozǵalysqa shekteý engizildi.
12 aqpan saǵat 01:00-de Almaty oblysynda qolaısyz aýa raıyna (tuman, joldyń kórinbeýi) baılanysty «Almaty-Shelek-Qorǵas» avtojolynyń 24-243 shaqyrymynda Arman – Shonjy arasyndaǵy jol bóliginde barlyq kólik túri úshin jol jabyldy.