Senat tóraǵasy Máýlen Áshimbaev Fransııa Respýblıkasy Senatynyń Syrtqy ister, qorǵanys jáne qarýly kúshter jónindegi komıssııasy delegasııasynyń basshysy Valerı Býaıemen kezdesti. Olar yntymaqtastyqty nyǵaıtý máselelerin talqylap, parlamentaralyq ózara is-qımyldyń keleshegi men jańa birlesken jobalardyń basym baǵyttaryna toqtaldy.
Kezdesýde palata spıkeri meımandarǵa iltıpat bildirip, Qazaqstan men Fransııa arasyndaǵy syndarly ári strategııalyq baılanysqa joǵary baǵa berdi. Sondaı-aq ol Fransııa elimizdiń Eýropalyq odaqtaǵy mańyzdy ári senimdi seriktesi ekenin aıtty. M.Áshimbaev eki memleket arasynda, eń aldymen, joǵary deńgeıde turaqty saıası dıalog jolǵa qoıylǵanyn da erekshe atap ótti.
«Qazaqstan men Fransııa ekijaqty yntymaqtastyqtyń barlyq baǵytynda berik baılanys ornatyp, naqty nátıjelerge qol jetkizip keledi. Bul – eń aldymen, joǵary deńgeıdegi syndarly saıası dıalogtiń nátıjesi. Keıingi úsh jylda joǵary deńgeıde mańyzdy saparlar uıymdastyryldy. Prezıdent Qasym-Jomart Toqaev Fransııaǵa resmı jáne memlekettik saparmen eki ret bardy. Fransııa Prezıdenti Emmanıýel Makron 2023 jyly elimizge resmı saparmen keldi. Sol kezdesýlerdiń nátıjesinde ekijaqty qatynastar berik strategııalyq seriktestik deńgeıine kóterildi. Osy oraıda Sizdiń bul saparyńyzdyń da mańyzy joǵary. Biz eki el arasyndaǵy parlamentaralyq baılanysty odan ári keńeıtýge múddelimiz», dep Senat tóraǵasy zań shyǵarýshy organdar arasyndaǵy baılanysty jandandyrý máselesi jóninde sóz qozǵady.
Sonymen qatar M.Áshimbaev elimizdegi áleýmettik-ekonomıkalyq, saıası jańǵyrý úderisterin, respýblıkalyq referendýmnyń qorytyndysyn sóz etti. Sonyń aıasynda jańa Konstıtýsııanyń qabyldanýy saıası júıeni jańǵyrtýdyń, sondaı-aq quqyqtyq memleketti nyǵaıtýdyń mańyzdy kezeńi ekenin basa aıtty.
О́z kezeginde Valerı Býaıe parlamentaralyq yqpaldastyqty arttyrýdyń mańyzy jóninde aıta kele, Qazaqstan men Fransııa arasyndaǵy yntymaqtastyqty odan ári nyǵaıtýǵa múddeli ekenin jetkizdi.
Suhbat barysynda ekijaqty parlamentaralyq baılanystardy damytý perspektıvalary da talqylandy. Atap aıtqanda, dostyq toptary jáne Eýropa Keńesiniń Parlamenttik Assambleıasy men EQYU Parlamenttik Assambleıasy aıasyndaǵy ózara is-qımyl máseleleri sóz boldy. Sondaı-aq saýda-ekonomıkalyq, ınvestısııalyq seriktestikti, bilim berý, ónerkásip, densaýlyq saqtaý, aýyl sharýashylyǵy sııaqty salalardaǵy yntymaqtastyqty keńeıtý tetikteri de nazardan tys qalmady. Buǵan qosa Senat tóraǵasy klımat, sý máselelerine qatysty kún tártibi aıasyndaǵy yntymaqtastyqtyń, sondaı-aq jasyl ekonomıka men atom energetıkasy salalaryndaǵy seriktestiktiń mańyzy týraly pikirin bildirdi.