Astana qalasynda Konstıtýsııa kóshesi boıyndaǵy «Ilıas» dúkeni mańynda jas jigittiń soqqyǵa jyǵylǵany belgili boldy. Zardap shegýshiniń týystarynyń aıtýynsha, oqıǵaǵa shamamen 40-qa jýyq adamnyń qatysy bolýy múmkin, dep habarlaıdy Egemen.kz.
Janjal saldarynan jasóspirimniń murny synǵan, sondaı-aq bir tisi zaqymdanyp, túsip qalǵan.
Astana qalalyq polısııa departamentiniń málimetinshe, atalǵan derek boıynsha densaýlyqqa qasaqana aýyr zııan keltirý babymen qylmystyq is qozǵalǵan. Oqıǵaǵa qatysy bar tulǵalar anyqtalyp, Saryarqa aýdandyq polısııa basqarmasyna jetkizilgen.
Vedomstvonyń habarlaýynsha, janjal turǵyn úı aýlasynda jastar arasynda týyndaǵan. Jaraqat alǵan kámeletke tolmaǵan azamatqa medısınalyq kómek kórsetilip, dárigerlik tekserýden keıin úıine jiberilgen.
Astanada er adam jubaıyn kópshilik kózinshe soqqyǵa jyqqan
Qazirgi ýaqytta oqıǵanyń barlyq mán-jaıyn anyqtaý úshin tergeý amaldary júrgizilip jatyr.
Aıta keteıik, buǵan deıin Almaty qalasynda jappaı tóbeles kezinde eki jasóspirim qaza tapqan bolatyn.