Prezıdent meımanǵa iltıpat kórsetip, Presight AI kompanııasymen yntymaqtastyq joǵary deńgeıde ekenin atap ótti. Sondaı-aq kásiporynnyń elimizdegi jasandy ıntellekt salasyndaǵy sheshimderdi damytýǵa zor úles qosyp kele jatqanyna rızashylyq bildirdi, dep habarlaıdy Egemen.kz.
Memleket basshysy naqty bastamalardy iske asyrý arqyly seriktestikti odan ári keńeıtýge aıtarlyqtaı áleýet bar ekenine toqtaldy.
Tomas Pramotedham Qasym-Jomart Toqaevqa kompanııanyń «Derekterdi óńdeý ortalyǵy alqaby» jobasyna qatysýǵa qyzyǵýshylyq tanytyp otyrǵanyn aıtty. Bul – jasandy ıntellekt, esepteýish qýat pen sıfrlyq servıs ınfraqurylymyn damytýdy kózdeıtin arnaıy ekojúıe.
Sonymen qatar Smart City bastamasyna aıryqsha nazar aýdaryldy. Memleket basshysy kompanııanyń osyǵan deıin Astanada júzege asyrǵan jobasy oń nátıje kórsetip, halyqtyń qaýipsizdigi men turmys sapasyn jaqsartýǵa septigin tıgizgenin jetkizdi. Bul rette atalǵan sheshimdi Almaty qalasyna engizý perspektıvasy qarastyryldy.
Memleket basshysyna Defense Tech jobasy tanystyryldy