Memleket basshysynyń tapsyrmasyn oryndaý sheńberinde Úkimet Rıdder qalasynyń jylý ınfraqurylymyn jańartýǵa shamamen 1,8 mlrd teńge bóldi. Qarajat eldi mekendi jylýmen qamtý senimdiligin arttyrýǵa baǵyttalyp otyr, dep jazady Egemen.kz.
Tıisti qaýlyǵa Premer-mınıstr Oljas Bektenov qol qoıdy. Bólingen qarjy jylý jelileri men jylý elektr ortalyǵynyń jabdyqtaryn jóndeýge jumsalady. Atap aıtqanda, jylý jelisiniń tozyǵy jetken 12 ýchaskesin qalpyna keltirý, sondaı-aq Rıdder JEO-daǵy №5 jáne №6 qazandyq agregattaryn kúrdeli jóndeýden ótkizý josparlanyp otyr.
Ákimdikterde úılestirý joq: Úkimet basshysy jergilikti jerdegi kemshilikterdi atap ótti
Mamandar júrgizgen tehnıkalyq tekserý nátıjeleri jóndeý jumystarynyń qajettiligin tolyq rastaǵan. Zertteý barysynda jylý júıesiniń turaqty jumysyn qamtamasyz etý úshin birinshi kezekte jańartýdy qajet etetin ýchaskeler men jabdyqtar anyqtaldy. О́tken jylytý maýsymy kezinde jekelegen nysandarda aqaýlar men tozý belgileri tirkelip, olardy josparly túrde jańartý qajet ekeni belgili boldy.
Josparlanǵan jumystardy iske asyrý 2026–2027 jyldardaǵy jylytý maýsymyna daıyndyqty kúsheıtip, qala turǵyndaryn jylýmen qamtý sapasyn arttyrýǵa múmkindik beredi. Nátıjesinde, Rıdderdegi jylý júıesiniń turaqtylyǵy qamtamasyz etilip, ınfraqurylymnyń senimdiligi aıtarlyqtaı jaqsarady.
Qazaqstan krıptohabqa aınalady: Prezıdent Úkimet pen Ulttyq bankke shuǵyl tapsyrma berdi