Sáýir aıynyń qorytyndysy boıynsha teńge baǵamy 1 dollar úshin 463,09 teńgege deıin nyǵaıyp, ósim 3,1% boldy. Bul týraly Ulttyq bank aqparattyq habarlamasynda málimdedi, dep jazady Egemen.kz.
Qazaqstan qor bırjasy dereginshe, saýda-sattyqtyń ortasha kúndik kólemi bir aıda 372 mln dollardan 394 mln dollarǵa deıin ulǵaıǵan. Jalpy saýda kólemi 8,7 mlrd dollardy qurady.
Sáýirde respýblıkalyq bıýdjetke transfertterdi qamtamasyz etý úshin Ulttyq qordan 300 mln dollar kóleminde valıýta satyldy. Bul – jalpy saýda kóleminiń 3,5%-y, nemese kúnine shamamen 13,6 mln dollar.
Mamyr aıynda da osy baǵyttaǵy operasııalar jalǵasady. Kútiletin fıskaldyq túsimder men Úkimettiń aldyn ala ótinimderi negizinde 400-500 mln dollar kóleminde valıýta satý josparlanyp otyr.
Ulttyq bank ıpotekalyq sharttardy qaıta qarastyra ma?
Sonymen qatar, sáýirde «aınalaý» operasııalary aıasynda shamamen 354 mlrd teńge alyndy. Mamyr aıynda da osy kólemde valıýta satý kózdelgen. Ulttyq bank mundaı operasııalar kezinde naryqtyq beıtaraptyq qaǵıdatyn qatań ustanatynyn atap ótti.
Esepti kezeńde Ulttyq bank valıýtalyq ıntervensııa júrgizgen joq. Al kvazımemlekettik sektor sýbektileri mindetti satý normasy aıasynda shamamen 273 mln dollar kóleminde valıýtalyq túsimin ótkizdi.
Zeınetaqy aktıvterine qatysty jaǵdaı da ózgergen. Teńgeniń nyǵaıýy men jarnalardyń artýy nátıjesinde BJZQ aktıvterindegi valıýtalyq úles 40%-dan tómendedi. Osyǵan baılanysty Ulttyq bank sáýirde bırjalyq saýda arqyly 502 mln dollar satyp aldy, bul jalpy saýda kóleminiń 5,8%-yn quraıdy.
«Nesıeńizdiń mártebesi jańartyldy»: Ulttyq bank alaıaqtardyń jańa aılasy týraly eskertti
Ulttyq bank valıýta naryǵyndaǵy operasııalar týraly aqparatty turaqty túrde jarııalap otyratynyn málimdedi. Qysqa merzimde teńge baǵamynyń dınamıkasy naryq qatysýshylarynyń kútýlerine, toqsandyq salyq tólemderine, jahandyq naryqtar men geosaıası ahýalǵa táýeldi bolmaq.
Retteýshi aldaǵy ýaqytta da teńgerimsizdikke jol bermeıtin jáne altyn-valıýta rezervterin saqtaýdy qamtamasyz etetin ıkemdi aıyrbas baǵamy saıasatyn jalǵastyrady.
Ulttyq bank atyn jamylǵan alaıaqtar aqtóbelik turǵynnyń 5 mln teńgesin jymqyrǵan