Ulttyq Olımpıada komıtetiniń málimetinshe, Qazaqstan erler quramasy ústel tennısinen Londonda ótip jatqan álem chempıonatynda tarıhta alǵash ret 1/8 fınalǵa shyqty. Endi ulttyq qurama shırek fınal joldamasy úshin sheshýshi kezeńde baq synaıdy, dep jazady Egemen.kz.
London qalasynda ótip jatqan jarystyń 1/16 fınalynda otandastarymyz Ispanııa quramasymen kezdesti.
Londonda ústel tennısinen álem chempıonaty ótip jatyr
Alǵashqy oıynda Alan Qurmanǵalıev Alvaro Roblesti 3:1 esebimen jeńip, esep ashty.
Kelesi matchta Kırıll Gerasımenko Hýan Peresti dál osyndaı eseppen utyp, Qazaqstan quramasynyń basymdyǵyn arttyrdy.
Úshinshi kezdesýde ıspanııalyq Danıel Berzosa Aıdos Kenjiǵulovty 3:1 esebimen jeńip, esep aıyrmasyn qysqartty.
Alaıda sheshýshi oıynda Kırıll Gerasımenko Alvaro Roblesti 3:0 esebimen aıqyn basymdyqpen utyp, match núktesin qoıdy. Qorytyndy esep – 3:1.
Osylaısha, Qazaqstan quramasy 1/8 fınalǵa joldama alyp, kelesi kezeńde Japonııa men Belgııa quramalary arasyndaǵy kezdesýdiń jeńimpazymen oınaıdy. Bul – otandyq ústel tennısi tarıhyndaǵy eń úzdik nátıjelerdiń biri.
Iogamen shuǵyldanamyn, ústel tennısin oınaımyn. Prezıdent densaýlyǵyna qatysty saýalǵa jaýap berdi