Qazaqstannyń Fransııadaǵy Elshiliginde Eýropa elderinde turatyn otandastardyń basqosýy ótti, dep habarlaıdy Egemen.kz.
Is-shara Qazaqstannyń Fransııadaǵy Elshiligi jáne Qyzylorda oblysy ákimdiginiń qoldaýymen, «Otandastar qory» KeAQ men Qazaq-fransýz-túrik qaýymdastyǵynyń (AKFT Paris) birlesken uıymdastyrýymen ótkizildi.
Negizgi maqsaty – sheteldegi qazaq dıasporasynyń birligin nyǵaıtý, tarıhı Otanmen baılanysty damytý jáne mádenı-gýmanıtarlyq yntymaqtastyqty damytý.
Is-sharanyń ashylýynda Qazaqstannyń Fransııadaǵy Tótenshe jáne О́kiletti Elshisi Gúlsara Arystanqulova, Qyzylorda oblysy ákiminiń orynbasary Ardaq Zebeshev, «Otandastar qory» KeAQ vıse-prezıdenti Álibek Jurqadam, Túrkııanyń Ádilet jáne damý partııasy tóraǵasynyń orynbasary Rashıda Iýksel, Qazaq-fransýz-túrik qaýymdastyǵynyń tóraǵasy Rejep Gıýnaı jáne «Tildes KZ» Speaking jobasynyń jetekshisi Larısa Aldabergenova sóz sóıledi.
Parıjdegi sammıt: Álem elderiniń atom salasyndaǵy yntymaqtastyǵy nyǵaıa beredi
Qazaqstan Elshisi óz sózinde Parıj tórinde bul basqosýdyń sheteldegi qazaqtardyń rýhanı birligin nyǵaıtatyn mańyzdy alańǵa aınalǵanyn atap ótti. Ol qazaq halqynyń tarıhı tamyry Altyn Orda murasymen sabaqtas ekenin aıtyp, búginde Qazaqstannyń Eýropa men Azııany jalǵaıtyn senimdi kópir retindegi róli artyp kele jatqanyn erekshe jetkizdi. Sonymen qatar, ana til, ulttyq rýh jáne tarıhı jady barsha qazaqty biriktiretin basty qundylyqtar ekenin nazar aýdardy.
Jıyn aıasynda «Otandastar qory» KeAQ qazaq qaýymdastyqtarynyń jetekshileri men belsendileriniń qatysýymen dóńgelek ústel ótkizdi. Kezdesý barysynda «Otandastar qory» KeAQ vıse-prezıdenti Álibek Jurqadam uıymnyń qyzmeti men júzege asyryp jatqan jobalary týraly aqparat berip, qatysýshylardy ortaq bastamalarǵa belsendi qatysýǵa shaqyrdy. Sondaı-aq, qatysýshylar aldaǵy kezeńdegi birlesken jobalar men yntymaqtastyq baǵyttaryn talqylady.
Baǵdarlama aıasynda Qyzylorda oblystyq fılarmonııasynyń ónerpazdary konserttik baǵdarlama usynyp, óńir qolónershileri ulttyq qolóner buıymdarynyń kórmesin uıymdastyrdy.
Parıjde án áýeletken órender
Otandastardyń basqosýy aldaǵy eki kún boıy jalǵasady. Baǵdarlama aıasynda Garj-le-Goness qalasynda Eýropadaǵy qazaq jastary arasynda fýtbol týrnıri ótkizilip, sondaı-aq mádenı-kópshilik is-sharalar men ulttyq mádenıetke arnalǵan arnaıy baǵdarlama uıymdastyrylady.
Basqosýǵa Ulybrıtanııa, Germanııa, Nıderland, Fınlıandııa, Ispanııa, Norvegııa, Shveısarııa, Fransııa, Chehııa, Italııa, Portýgalııa, Polsha, Shvesııa, Danııa, Belgııa, Majarstan, Túrkııa men Mońǵolııadan kelgen qazaqstandyqtar men qandastar qatysty.