Aqmola oblysynda polısııa qyzmetkerleri ınternet arqyly jasalǵan alaıaqtyq faktisin anyqtady. Jábirlenýshi beıtanys adamǵa senip, shamamen 2,3 mln teńgesin aýdaryp jibergen, dep jazady Egemen.kz.
Polisia.kz-tiń málimetinshe, 2 sáýir kúni polısııaǵa jas jigit júgingen. Onyń aıtýynsha, tanystyq TikTok platformasynda bastalǵan. Ol kómek suraǵan beınerolıkti kórip, keıin WhatsApp arqyly hat almasýdy jalǵastyrǵan. Bir aıdan soń álgi qyz ózin aýyr naýqaspyn dep tanystyryp, emdelýge aqsha suraǵan.
Bank basshysynyń beınesin qoldanǵan: Jelide alaıaqtyqtyń jańa túri paıda boldy
Alǵashynda suralǵan soma 13 myń teńge bolǵan. Alaıda ýaqyt óte kele «emge qajet qarajat» kólemi ulǵaıa bergen. Biraz ýaqyttan keıin jigitke qyzdyń qaıtys bolǵany habarlanǵan. Artynsha oǵan ózin jerleý qyzmetkerleri retinde tanystyrǵan adamdar, keıin «marqumnyń kórshisimin» degen áıel habarlasyp, 4 balany asyraýǵa kómek suraǵan.
Osylaısha, jábirlenýshi barlyǵy 64 ret aqsha aýdarǵan. Qarajat tabý úshin ol birneshe nesıe rásimdep, tanystarynan qaryz alǵan. Alaıaqtyq áreket jigittiń ápkesi onyń hat almasýy men aýdarymdaryn kórgennen keıin ǵana áshkerelengen.
Sotqa deıingi tergep-tekserý bastaldy. Soltústik Qazaqstan oblysynyń turǵyny anyqtalyp, onyń iske qatysy tekserilip jatyr.
Alaıaqtyqtyń aldyn alý: Ustazdar arasynda arnaıy aksııa uıymdastyryldy