Amerıkalyq ǵalymdar kópjyldyq zertteýler nátıjesinde adamnyń týǵan aıy onyń ómir súrý uzaqtyǵy men densaýlyǵyna yqpal etýi múmkin degen qorytyndyǵa keldi, dep jazady Egemen.kz.
Zertteý nátıjeleri týǵan mezgildiń adam taǵdyryna belgili bir deńgeıde áser etetini týraly gazetabalakovo.ru málimetinshe, kúz aılarynda dúnıege kelgenderdiń qarttyqqa jetý múmkindigi joǵary ekeni anyqtalǵan. Ǵalymdardyń dereginshe, kúzde týǵandar men kóktemde týǵandardyń ómir súrý uzaqtyǵy arasyndaǵy aıyrmashylyq shamamen 40% quraıdy.
Sonymen qatar, zertteý barysynda týǵan mezgildiń densaýlyqqa da yqpaly bary baıqalǵan. Máselen, qys aılarynda týǵan adamdar shızofrenııaǵa jıirek shaldyǵýy múmkin, alaıda olar jazda týǵandarǵa qaraǵanda allergııa men jaqynnan kórmeý dertine sırek ushyraıdy.
Ǵalymdar bilim alý úderisine de týǵan ýaqyttyń áseri baryn aıtady. Oqý jylynyń basynda dúnıege kelgen balalardyń úlgerimi joǵaryraq bolatyny baıqalǵan.
Elordada taǵy bir «Belsendi uzaq ómir súrý» ortalyǵy ashyldy
Degenmen zertteýshiler bul tujyrymdar adamnyń taǵdyryn naqty boljap bermeıtinin eskertedi. Negizgi maqsat – týǵan aımen baılanysty faktorlardyń adam ómirine áserin zerdeleý.
Sondaı-aq zertteý nátıjesi adamnyń ishki kóńil kúıi men ómirge kózqarasynyń da mańyzdy ról atqaratynyn kórsetken. Ǵalymdardyń pikirinshe, optımıst adamdar pessımısterge qaraǵanda uzaq ómir súrýge beıim. Osylaısha, ómir uzaqtyǵyna tek bıologııalyq faktorlar ǵana emes, psıhologııalyq kúı men týǵan ýaqyt ta yqpal etedi.
Elimizde 120 belsendi uzaq ómir súrý ortalyǵy bar