Keńes áskeriniń Aýǵanstan aýmaǵynan shyǵarylǵanyna 32 jyl tolýyna oraı elordadaǵy ınternasıonalıst-jaýyngerlerge arnalǵan eskertkishke gúl shoǵyn qoıý rásimi ótti. Bul týraly Egemen.kz qala ákimdiginiń resmı saıtyna silteme jasap habarlaıdy.
Sharaǵa Nur-Sultan qalasy ákiminiń orynbasary Baqtııar Máken men Qazaqstannyń tuńǵysh ǵaryshkeri Toqtar Áýbákirov, áskerı qaıratker, general-leıtenant Baqytjan Ertaev, Aýǵan soǵysy ardagerleri uıymdarynyń «Qazaqstan ardagerleri» qaýymdastyǵynyń tóraǵasy Baqytbek Smaǵul jáne basqa da Aýǵan soǵysynyń ardagerleri men soǵysta opat bolǵan jaýyngerlerdiń ata-analary, áskerıler, jas sarbazdyqtar, qala turǵyndary qatysty.
«Búgin biz Aýǵan soǵysynda opat bolǵan jaýyngerlerimiz ben ardagerlerimizdiń erligin eske alýǵa jınalyp turmyz. Sol bir qatygez soǵystyń aıaqtalǵanyna bıyl 32 jyl tolyp otyr. Bul – bizdiń tarıhymyzdaǵy eleýli oqıǵalardyń biri. Qanshama jaýynger búginde ortamyzda joq. Alaıda olardyń jasaǵan erligi eshqashan umytylmaıdy», dedi Baqtııar Máken.
Sonymen qatar qala ákiminiń orynbasary jastarǵa patrıottyq tárbıe berýde eńbek etip júrgen ınternasıonalıst jaýyngerlerge rızashylyǵyn bildirip, denderine saýlyq tiledi.
О́z kezeginde Baqytjan Ertaev búgingi jastar tarıhpen maqtanýy kerektigin, el úshin erlik kórsetken, janyn qıǵan jaýyngerlerdi árdaıym este saqtaý kerektigin atap ótti.