Ulttyq qundylyqtarymyzdy jas urpaqtyń sanasyna sińirý maqsatyndaǵy bir ádemi shara Kókshetaý qalasynda «Juldyz dostaryn shaqyrady» degen taqyrypta ótken edi. Oǵan Otanymyzdyń barlyq óńirinen 6 jas pen 22 jas aralyǵyndaǵy ónerge talaby bar talanttar qatysty.
Ulttyq qundylyqtarymyzdy jas urpaqtyń sanasyna sińirý maqsatyndaǵy bir ádemi shara Kókshetaý qalasynda «Juldyz dostaryn shaqyrady» degen taqyrypta ótken edi. Oǵan Otanymyzdyń barlyq óńirinen 6 jas pen 22 jas aralyǵyndaǵy ónerge talaby bar talanttar qatysty.Olar ultymyzdyń uly murasy dombyra, qobyz jáne dástúrli án men termeden, sol sekildi fortepıanodan, úrmeli aspaptardan, estrada janrynan baqtaryn synady.
Eki kúnge sozylǵan óner baıqaýynda salanyń bilgir mamandary Qazaqstannyń eńbek sińirgen ártisi Sh.Dýkýmbaeva, N.Izmaılov, O.Súleımenov, taǵy basqalar qazylyq jasady. Ulttyq aspaptar boıynsha birinshi oryndy №1 Balalar mýzyka mektebiniń oqýshysy E.Ádilbek pen R.Ahmetova ıelense, bas júldeni L.N.Gýmılev atyndaǵy Eýrazııa ulttyq ýnıversıtetiniń «Dala sazy» ansambli qanjyǵasyna baılady. Al dástúrli ánnen bas júldeni Kókshetaý qalasyndaǵy Birjan sal atyndaǵy mýzyka kolledjiniń 1-kýrs stýdenti G.Qudysbekov ıelendi. Fortepıano baǵytynan eńbegi janǵandar Shýchınsk qalasynan qatysqan A.Baımaǵambetova jáne úrmeli aspaptan Á.Alpysbaeva, estradadan E.Kovalchýk jeńimpaz dep tanyldy.
Súleımen MÁMET,
«Egemen Qazaqstan».
Sýrette: baıqaýdan kórinis.