Kóshbastar azamat

Týǵan jeriniń mártebesin as­qaqtatyp, óz ólkesiniń ósip-órkendep, kórkeıýine úles qosyp júrgen azamattardyń biri de bi­regeıi Maǵaýııa Aqtóreuly Mer­ǵalıev. Ol 1961 jyly 27 shil­dede munaıshylar otbasynda dúnıege kelgen. Jylyoı aý­da­nynyń 10 jyldyq mektebin támamdap, Otan aldyndaǵy áskerı boryshyn abyroımen ótep keledi. 1981 jyly Almaty qalasyndaǵy Lenın atyndaǵy polıtehnıkalyq ınstıtýtynyń daıarlyq kýrsyna túsip, 1987 jyly taý-ken ın­jeneri mamandyǵyn alyp shyq­ty. Otbasynda alǵan ulaǵatty tár­bıe men armanyn ushtastyryp Maǵaýııa Aqtóreuly eńbek etý úshin týǵan ólkesine oralady. Eń­bek jolyn uńǵymalardy kúrdeli jóndeý mekemesinde sheber re­tinde bastap, qyzmettik satyda bó­lim bastyǵyna deıin kóterildi.

Týǵan jeriniń mártebesin as­qaqtatyp, óz ólkesiniń ósip-órkendep, kórkeıýine úles qosyp júrgen azamattardyń biri de bi­regeıi Maǵaýııa Aqtóreuly Mer­ǵalıev. Ol 1961 jyly 27 shil­dede munaıshylar otbasynda dúnıege kelgen. Jylyoı aý­da­nynyń 10 jyldyq mektebin támamdap, Otan aldyndaǵy áskerı boryshyn abyroımen ótep keledi. 1981 jyly Almaty qalasyndaǵy Lenın atyndaǵy polıtehnıkalyq ınstıtýtynyń daıarlyq kýrsyna túsip, 1987 jyly taý-ken ın­jeneri mamandyǵyn alyp shyq­ty. Otbasynda alǵan ulaǵatty tár­bıe men armanyn ushtastyryp Maǵaýııa Aqtóreuly eńbek etý úshin týǵan ólkesine oralady. Eń­bek jolyn uńǵymalardy kúrdeli jóndeý mekemesinde sheber re­tinde bastap, qyzmettik satyda bó­lim bastyǵyna deıin kóterildi.Bizge osyndaı zamanda alǵa súı­reıtin, aldaǵyny erterek oılaıtyn azamattar kerek edi sol tańda. Qyzmetin abyroı­men atqara júrip, «Munaı Servıs, LTD» mekemesin ashyp, 14 jyldan beri Jylyoı óńirinde uń­ǵymalardy qazý, kúrdeli jón­deý jumystarymen aınaly­syp keledi. Osy jyldar ara­ly­ǵyn­da kásiptik álemde tasy órge domalap, qosymsha «NIA Drıl­lıng», «Trıas Drıllıng», «BAMStroı» mekemelerin ash­ty. Búginde 450-deı adamdy ju­myspen qamtamasyz etip otyr. Atalǵan kásiporyndardyń bar­lyǵy Jylyoı aýdanynyń eko­nomıkalyq ósýine eleýli úles qosyp otyrǵan mekemeler. Maǵaýııa Aqtóreuly ónimdi eń­be­gin, óreli aqyl-oıy men qaı­rat-jigerin táýelsiz eliniń gúl­denýine, órkendeýine jumsap júr. Eliniń dáýletti de sáýletti bo­lýyn óndiris oryndaryn ashýy­men, eńbek kórigin qyzdyrýymen dáleldedi. Búgingi naryq zamany nardyń júgin arqalar, namysyn naızaǵaıǵa janyǵan, is tetigin il­kim­di alyp júrer basshyny talap etedi. Kóńili kóregen, kókirek kózi sáýleli jigit qana dittegenine je­tedi. Ol óz boıyndaǵy qýat-kúshin ón­diris ónimdiligin arttyrýǵa aıa­ǵan emes. Sondyqtan onyń jurt aldynda bedeli bıik, bereri kóp. Adam boıyndaǵy asyl qa­sıet­ter minezden týyndaıdy. Onyń týabitti ustamdylyǵy, aqı­qat pen ádilettilikti as­qaq qoıatyndyǵy, baýyrmal jana­shyr­lyǵy, halyq múddesine qyz­met etýge qulshynysy abyroıyn asqaqtata tústi. «Asyl adam aınymas», dep Abaı aıtqandaı, onyń asyp-tasqan, keýde kergen, menmensigen kezin kórmeısiz. Sózi men isi bir arnada toǵysyp, tolaǵaı tabystarǵa qol jetkizse de minez sulýlyǵynan, márttiginen, ádeptiliginen aı­nyǵan joq. Otbasynda jarymen birge eki ul, eki qyzdy tárbıelep otyr. Shańyraqtaǵy jarasymdy tirligimen, dos-jaranǵa syı­lastyǵymen, balalaryna kór­setken úlgi-ónegesimen de onyń orny shoqtyqtana túsedi. Erdiń eńbegin baǵalaý, mańdaı terdiń qadir-qasıetin seziný, soǵan laıyq qurmet kórsetý – bas­ty ustanymy. Osy arqyly ol parasat shyńyna shyqty. Osyndaı azamattyń arqasynda bir óńirdiń halqy jumyspen qamtylyp, kásibiniń násibin kórip otyr. Týǵan jerde terin tókken Maǵaýııa Aqtóreulynyń eńbegi elenip «Eren eńbegi úshin» medalimen marapattaldy. Maǵaýııa Merǵalıev basshylyq etip otyrǵan mekememen iskerlik qarym-qatynas jasaǵanymyzǵa da tórt jyl bolypty. Osy ýaqyt ishinde kásipker retinde sózine berik, óz isiniń bilikti mamany ekenine kózimiz jetti. Qıyn-qystaý kezde árkimge qol ushyn sozýǵa daıyn, adamgershiligi mol, qaıyrymdy jan. Qaı ja­ǵy­nan alsa da ınabatqa laıyq ıman­júzdi tulǵa. «Jaqsymenen otyr­ǵan jarty saǵat, ótip ketken jamannyń ómirindeı», dep qara óleńde aıtylǵandaı, qashanda ony kórýdi, pikirlesýdi ańsap turasyń.

Qurmetti Maǵaýııa Aqtóre­uly! Azamattyǵyńyz ben para­sat­tylyǵyńyz iskerlik áleminde sizdi tek jetistikterge jetelep, tabystarǵa keneltti. Beınettiń de zeıneti bolady. Eńbegińiz memleket tarapynan elenip jatsa – ol qajyrly eńbegińizdiń qaıtarymy. Kásipkerlik sabaqtastyǵymyz úzilmeı, árdaıym baılanys­ta bolamyz degen senimdemiz. Tý­ǵan jeriniń damýyna úles qo­syp, halqymyzdyń turmystyq ahýa­lynyń joǵarylaýyna sebepshi bolar ózińizdeı azamattar kóbeıe bersin. Alar asýyńyz, shyǵar shyńyńyz bıikteı bersin!

Sizdi jáne «Munaı Servıs, LTD» JShS ujymyn kele jatqan Ja­ńa jyl meıramymen shyn jú­rekten quttyqtaımyz. Jańa jylda densaýlyq, eńbekte tabysty bo­lýǵa tilektespiz.

Izgi tilekpen: «ÝchetServısKachestvo» JShS ujymy.

Quttyqtaımyz!

Asa qurmetti Maǵaýııa Aqtóreuly!

Sizdi «Eren eńbegi úshin» medaliniń ıegeri bolýyńyzben jáne Jańa jyl merekesimen shyn júrekten quttyqtaımyz! Sizge zor densaýlyq, otbasyńyzǵa amandyq tileı otyryp, Qazaq eliniń ıgiligi, baıandy bolashaǵy úshin etken eńbekterińizge úlken tabystar men jetistikter tileımiz.

Siz bolashaqta da munaı burǵylaý salasyndaǵy abyroıly isterińizdiń jeńisi men jemisin kórińiz! Qıyndyǵy men qyzyǵy mol jumysyńyzdyń yrysy men berekesin bersin.

Sizdiń keleshekte de egemendi elimizdiń jańa belesterine jetýińizge, baqytty da baıandy uzaq ómir súrýińizge tilektespiz!

Izgi tilekpen: «Munaı Servıs, LTD» JShS ujymy.