Mozaıka - ejelgi dáýirden osy kezeńge deıin ǵımarattyń qabyrǵalalaryn bezendirýde ózektiligin joǵaltpaǵan tehnologııa. Qazirgi tańda eden, qabyrǵa men basseın jáne sýburqaqtardy árleý úshin keńinen qoldanylyp keledi. Al elimizdegi eń sapaly mozaıka óndiretin «Gıdrostroı Shymkent Grýpp» kompanııasy Shymkent qalasyndaǵy «Ońtústik» ındıstýstrıaldyq aımaǵynda ornalasqan, dep habarlaıdy Shymkent qalasy ákimdiginiń baspasóz qyzmeti.
2018 jyly óz jumysyn bastaǵan óndiris ornynda qazirgi tańda 33 adamdy turaqty jumyspen qamtylǵan. Tek otandyq shıkizat qoldanylatyn kásiporyn jylyna 70 myń sharshy metr ónim óndirýge qaýqarly. Bul jerde óndirilgen shyny mozaıkalary sapasy men qoldaný ońtaılylyǵynyń arqasynda ishki naryqta ǵana emes shetelde de suranysqa ıe.
– «GIDROSTROY GLASS MOSAIC» brendi elimizde eń alǵash óndirilgen shyny mozaıkasy. Sonymen birge, sapasy jaǵynan da biregeı ónim. Biz túrli naryqqa saı keletin jańa tásilder boıynsha ınnovasııalyq damý jolymen kelemiz. Kún saıyn ónim túrleriniń alýandylyǵy men sapasyn arttyrý jáne jańa bastamalardy júzege asyrýda oń nátıjelerge qol jetkizip otyrmyz,- deıdi kásipker Oleg Hatamov.
Kásipker 2019 jyly óndiris ornyna zamanaýı qural-jabdyqtar satyp alý úshin ekinshi deńgeıli bankten 14,25% nesıe alyp, onyń 7,13% «Damý» qory sýbsıdııalaıdy. Sonymen qatar, jetkiliksiz kepilzat ornyna qor óz kepildigin bergen.