Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Nur-sultan qalasy boıynsha departamenti «Astanaenergosbyt» JShS-nyń zańsyz áreketterine qatysty Nur-Sultan qalasynyń «Ishım» TK turǵyndarynan kelip túsken ótinishteriniń negizinde, Elorda tutynýshylarynyń quqyqtary men zańdy múddelerin qorǵaý maqsatynda, «Astanaenergosbyt» JShS-nyń qyzmetine 2020 jylǵy jeltoqsan men 2021 jylǵy qańtardaǵy jylýmen jabdyqtaý qyzmeti boıynsha esepteýlerdiń negizdiligi bóliginde jospardan tys tekserý júrgizildi, dep habarlaıdy Egemen.kz.
Jospardan tys tekserý barysynda, Departament «Ishım» TK tutynýshylaryna (turǵyndaryna) 2020 jyldyń jeltoqsan aıynda Nur-Sultan qalasynyń Á.Bókeıhan kóshesi 2 úı boıynsha jylý energııasyn esepke alý aspaptarynyń derekteri boıynsha kórsetkishterdiń bolmaýy boıynsha jylý energııasyn esepke alý boıynsha esepteýler júrgizgen kezde «Astanaenergosbyt» JShS Astana qalasy ákimdiginiń 2015 jylǵy 11 jeltoqsandaǵy № 367-2307 qaýlysymen bekitilgen esepteý quraly joq tutynýshylar úshin tutyný normalary boıynsha belgilengen tólem mólsherine súıene otyryp, jylýmen jabdyqtaý úshin esepteý júrgizdi.
Osylaısha, tutyný normalaryna sáıkes, 2020 jylǵy jeltoqsanda «Esil» TK turǵyndarynyń jylytý tólemi 131,47 teńge/sh. m. mólsherinde 4 597 523 teńgeni qurady.
Qazaqstan Respýblıkasy Ulttyq ekonomıka mınıstriniń 2019 jylǵy 24 maýsymdaǵy № 58 buıryǵymen bekitilgen Jylý energııasymen jabdyqtaý jónindegi qyzmetterdi kórsetýge arnalǵan úlgilik shartynyń 10-tarmaǵyna sáıkes tutynýshynyń kinásinan esepke alý quraldarynyń kórsetkishterin alý múmkin bolmaǵan kezde jáne eger bul rette tutynýshy energııa berýshi uıymǵa ózi jumsaǵan jylý energııasynyń mólsheri týraly málimetterdi usynbasa, energııamen jabdyqtaýshy uıym naqty tutyný boıynsha keıinnen qaıta esepteýdi júrgize otyryp, ótken jyldyń osyndaı kezeńindegi Tutynýshynyń jylý energııasynyń ortasha táýliktik shyǵysy boıynsha kórsetilgen kezeńder úshin esep aıyrysýdy júrgizýge quqyly. Tutynýshynyń kinásinan esepke alý aspaptarynyń kórsetkishterin alýdyń múmkin bolmaýy О́nim berýshiniń jýrnalynda tıisti jazbamen rastalady.
«Ishım» TK turǵyndarynyń 2020 jyldyń jeltoqsan aıynda jylý energııasynyń ortasha táýliktik shyǵysy boıynsha tólemi ótken jyldyń sáıkes kezeńinde 1 580 237 teńgeni quraýy tıis edi.
Demek, «Ishım» TK turǵyndary 2020 jyldyń jeltoqsan aıynda jylytý úshin artyq tólem somasy 3 017 286 teńgeni qurady.
Joǵaryda atalǵan áreketpen «Astanaenergosbyt» JShS-y «Tabıǵı monopolııalar týraly» Qazaqstan Respýblıkasy Zańynyń 26-baby 2-tarmaǵy 3), 5) tarmaqshalaryn buzdy, oǵan sáıkes tabıǵı monopolııa sýbektisi osy Zańǵa sáıkes bekitilgen tarıf boıynsha rettelip kórsetiletin qyzmetti usynýǵa, tutynýshylarǵa rettelip kórsetiletin qyzmetke qoljetimdiliktiń teń jaǵdaılaryn usynýǵa mindetti.
Jospardan tys tekserý qorytyndysy boıynsha «Astanaenergosbyt» JShS-y Qazaqstan Respýblıkasynyń Ákimshilik quqyq buzýshylyq týraly Kodeksiniń 164-babynyń 4-bóligi boıynsha ákimshilik jaýapkershilikke tartylyp, oǵan 4 667 200 teńge kóleminde aıyppul salyndy.
Sondaı-aq, «Ishım» TK turǵyndaryna jylý energııasymen jabdyqtaý qyzmetteri úshin 2020 jyldyń jeltoqsan aıynda esepteýlerdi qaıta esepteý arqyly 3 017 286 teńge somasyna tutynýshylardyń qarajatyn qaıtarý maqsatynda Qazaqstan Respýblıkasynyń Tabıǵı monopolııalar týraly zańnamasyn buzýshylyqtardy joıý týraly oryndalýy mindetti nusqama shyǵaryldy.