Májilis Tóraǵasy Nurlan Nyǵmatýlın Belarýs Respýblıkasynyń Qazaqstandaǵy Tótenshe jáne ókiletti elshisi Anatolıı Nıchkasovty qabyldady, dep habarlady osy palatanyń baspasóz qyzmeti.
Májilis Tóraǵasy Nurlan Nyǵmatýlın Belarýs Respýblıkasynyń Qazaqstandaǵy Tótenshe jáne ókiletti elshisi Anatolıı Nıchkasovty qabyldady, dep habarlady osy palatanyń baspasóz qyzmeti.
Kezdesý barysynda taraptar yntymaqtastyqtyń aýqymdy máselelerin talqylaı kelip, Qazaqstan men Belarýs, ásirese, Keden odaǵy aıasynda etene yntymaq ornatqan senimdi saıası jáne ekonomıkalyq áriptes elder ekenin sóz etti. Suhbattastardyń pikirinshe, eki memleket prezıdentteri Nursultan Nazarbaev pen Aleksandr Lýkashenkonyń mańyzdy kezdesýleri ekijaqty baılanystardy odan ári nyǵaıtýǵa aıryqsha yqpal etedi.
Májilis qyzmetine toqtalǵan N.Nyǵmatýlın Elbasynyń «Qazaqstan-2050» Strategııasyn, sondaı-aq, eki el prezıdentteriniń ıntegrasııalyq úderister men strategııalyq kelisimderin zańnamalyq qamtamasyz etý jumystaryna basa nazar aýdardy.
A.Nıchkasov Qazaqstan Prezıdentiniń Eýrazııalyq ekonomıkalyq odaq qurý jónindegi aýqymdy bastamasy barlyq ıntegrasııalyq úderisterdiń damýyna serpin beretinin jáne Qazaqstannyń barlyq salada qarqyndy damyp kele jatqanyn, al Elbasynyń G-Global sııaqty, basqa da iri jobalarynyń halyqaralyq joǵary bedelge ıe ekenin tilge tıek etti.
О́z kezeginde Májilis spıkeri elshini Belorýssııanyń 2013 jyly TMD-ǵa tabysty tóraǵalyq etýimen quttyqtady.
Júzdesýde Qazaqstan men Belarýs arasyndaǵy parlamentaralyq ózara is-qımyldy ekijaqty deńgeıde jáne TMD, EýrAzEQ, UQShU Parlamentaralyq assambleıalary aıasynda odan ári nyǵaıtýǵa jiti kóńil bólindi.