Memleket basshysy Nursultan Nazarbaev elordalyq Jańa jyldyq keshke qatysty, dep habarlady Prezıdenttiń baspasóz qyzmeti.
Memleket basshysy Nursultan Nazarbaev elordalyq Jańa jyldyq keshke qatysty, dep habarlady Prezıdenttiń baspasóz qyzmeti.
Is-shara «Kórme» kórme kesheninde ótti. Kesh aıasynda jınalǵan qarajat qaıyrymdylyq maqsatqa baǵyttalatyn bolady.
О́z sózinde Memleket basshysy barshany alda kele jatqan Jańa jylmen quttyqtap, bul merekeniń qazaqstandyqtar úshin árdaıym qýanyshty oqıǵa bolyp sanalatynyn atap ótti. Bıyl halqymyzdyń eńbeksúıgishtigi men birliginiń arqasynda kúlli álem aldynda elimizdiń bedeli ósip, oǵan degen qurmet arta tústi.
– Qazaqstan ekonomıkasynyń ósimi álem elderi arasynda eń joǵarylardyń biri boldy, sonyń esebinen azamattarymyzdyń ál-aýqaty artty. Bıylǵy jyly aýqymdy ister, sonyń ishinde «Qazaqstan-2050» Strategııasyn iske asyrý jóninde kóp jumys atqaryldy, onda biz álemniń eń damyǵan 30 eliniń qataryna enýdi maqsat etip qoıdyq. Biz oǵan jetemiz dep senemin. О́tip bara jatqan jylǵa zor alǵysymyzdy aıtamyz, – dedi Qazaqstan Prezıdenti.
Sońynda Nursultan Nazarbaev barshaǵa baqyt, ıgilik pen tabys tiledi.