Qazirgi Qazaqstanda ulan-ǵaıyr qazaq dalasyn kesip ótip jatqan temirjol magıstraliniń eki negizgi baǵyty bar. Memleket basshysy Nursultan Ábishuly Nazarbaevtyń tapsyrmasyn oryndaý maqsatynda Jezqazǵan – Beıneý jáne Arqalyq – Shubarkól eki temirjol jelisiniń qurylysy bastalady.
Qazirgi Qazaqstanda ulan-ǵaıyr qazaq dalasyn kesip ótip jatqan temirjol magıstraliniń eki negizgi baǵyty bar. Memleket basshysy Nursultan Ábishuly Nazarbaevtyń tapsyrmasyn oryndaý maqsatynda Jezqazǵan – Beıneý jáne Arqalyq – Shubarkól eki temirjol jelisiniń qurylysy bastalady.
Degenmen, Saryarqanyń keń jazıra dalasy jol ınfraqurylymy turǵysynan alǵanda áli kúnge deıin tolyq ıgerilgen joq jáne adamdar turmaıtyn óńirleri de bar. Sondyqtan Qazaqstannyń ortalyǵynda keıbir aýyldar, qalalar, atap aıtqanda, Jezqazǵan qalasy kóliktik tuıyqqa kelip tireledi. Biraq ta bir kezderi olar tirshiligi qaınap jatqan aımaq bolatyn. Erterekte qazaqtar osy dalanyń qaq ortasymen kóktemde soltústik jaqqa, kúzde keri qaraı ońtústikke kóship-qonyp júrgenin tarıhtan jaqsy bilemiz. Olar qazirgi poıyzdar baǵyty sııaqty nemese avtokólik joldaryndaı aınalyp júrmegen.
Ortalyq Azııadan Túrkistan arqyly Saryarqaǵa, odan ári Sibirge baryp turǵan kerýen joldarynyń súrleýi áli saırap jatyr! Ejelgi kóshi-qonnyń dańǵyl jolyn qaıta jańǵyrtý bizdiń Qazaqstan Prezıdentiniń elimizdiń tranzıttik múmkindigin ulǵaıtý týraly strategııalyq basymdyǵyn júzege asyrǵanymyzdyń bir kórinisi bolmaq. Elbasy osyndaı mindetti óziniń «Tarıh tolqynynda» atty kitabynda aıqyndaǵan.
«Ulytaý» (Ońtústik – Soltústik) kólik dálizi jolaýshylar men júk tasymalyn arttyryp, tek Qazaqstannyń ǵana emes, Azııanyń ózge elderi turǵyndarynyń ıntegrasııalyq baılanysyn keńeıte túsetini anyq! Sapaly jasalǵan zamanaýı avtokólik jáne temirjol jelisi Jezqazǵan qalasyn halyqaralyq mańyzǵa ıe áýe baılanysy bar, keleshegi zor toǵyz joldyń torabyna aınaldyratyny sózsiz. Aýa raıynyń qolaısyzdyǵyna qaramastan, Jezqazǵan áýejaıy jyl boıy ashyq bolatyny belgili.
Mańyzdy joldardy jańǵyrtý Jezqazǵan – Ulytaý óńiriniń tarıhı jáne tabıǵı sulý aımaqtarynda týrızm men demalys oryndaryn damytýǵa serpin beretin bolady. Keń dalada tarydaı shashyraǵan aýyldardyń «boıyna qan júgiredi», al turǵyndarǵa medısınalyq poıyz qyzmet kórsete bastaıdy. Bolashaqta tyǵyz ornalasqan óńirlerdiń turǵyndary osy aımaqqa qonys aýdaryp, kúre joldyń boıynda jańa eldi mekenderdiń paıda bolatyny, áleýmettik ınfraqurylym jan-jaqty damıtyny aıtpasa da túsinikti.
Saryarqanyń jerasty qazba baılyǵy da mol, sondyqtan jańa ken oryndaryn ıgerýde de artyqshylyqtarǵa ıe bolmaq. Iаǵnı, taý-ken kásiporyndarynyń qurylysyna jańa ınvestısııalar quıylatyny, soǵan oraı qajetti kólik nysandary, qurylys jáne qaıta óńdeý salasynyń kásiporyndary ashylatyny anyq.
Jańa dańǵyl jol Eýrazııa halyqtarynyń gýmanıtarlyq yntymaqtastyǵyn ulǵaıtady jáne búkil túrki dúnıesiniń san ǵasyrlyq mádenıeti men tarıhyn jan-jaqty asha túsedi. Sonymen birge, ejelgi joldyń jańǵyrýy Túrkistanǵa, ásirese, Reseı musylmandarynyń Qoja Ahmet Iаsaýı kesenesi sııaqty ıslam álemi úshin kıeli bolyp tabylatyn tarıhı orynǵa baratyndardyń qataryn arttyra túsetini kúmán týǵyzbaıdy.
Osyndaı keń aýqymdy jobanyń elimizdiń perspektıvalyq damý josparyna enýi memleketimizdiń aldyńǵy qatarly otyz eldiń qataryna kirý týraly «Qazaqstan-2050» Strategııasy mindetterin iske asyrýdy qamtamasyz etetin jáne bir negizgi faktor bolyp tabylady.
Andreı BEGENEEV,
Májilis depýtaty.