Kásipqoı boksta óner kórsetip júrgen birqatar qazaqstandyq boksshy sharshy alańdaǵy jarqyn jeńisinen keıin Dúnıejúzilik boks qaýymdastyǵynyń (WBA) jańartylǵan reıtınginde óz oryndaryn jaqsartyp aldy.
Máselen, jýyrda ǵana Meksıka jerinde kezekti jekpe-jeginde jeńiske jetken birinshi orta salmaqtaǵy qandasymyz Sadrıddın Ahmedov WBA tujyrymynyń naýryz aıyndaǵy reıtınginde úzdik 15 boksshynyń qataryna kirip, 15-oryndy ıelendi. Reıtınginiń kóshin О́zbekstan ókili Israıl Madrımov (6-0, 5 KO) bastap tursa, amerıkalyq Djermell Charlo (34-1, 18 KO) WBA tıtýlynyń «sýper chempıony» sanalady.
Sondaı-aq aýyr salmaqtaǵy jerlesimiz Jan Kosobýskıı de atalǵan tujyrym boıynsha álemdik reıtıngte TOP-15 boksshynyń qatarynan oryn aldy. Jańarǵan reıtıngte ol 14-orynǵa jaıǵasqan. Bul salmaqtaǵy WBA Super chempıondyq belbeýi brıtanııalyq Entonı Djoshýaǵa (24-1, 22 KO) tıesili.