9-11 naýryz aralyǵynda Qazaqstan Respýblıkasynyń Mádenıet jáne sport mınıstri Aqtoty Raıymqulova bastaǵan delegasııa uly aqyn, álemdik deńgeıdegi oıshyl Abaı Qunanbaıulynyń 175 jyldyǵyna arnalǵan saltanatty is-sharaǵa qatysý úshin Qyrǵyz Respýblıkasyna is-saparmen bardy, dep habarlaıdy Egemen.kz mınıstrliktiń baspasóz qyzmetine silteme jasap.
Mádenıet jáne sport mınıstri Aqtoty Raıymqulova men Qyrǵyz Respýblıkasynyń Mədenıet, aqparat, sport jəne jastar saıasaty mınıstri Qaırat Imanalıevpen kezdesedi.
Osydan keıin mınıstr birtýar jazýshy Shyńǵys Aıtmatov 32 jyl turǵan mýzeı-úıge jáne 2000 jyly saıası qýǵyn-súrgin qurbandaryn eske alý maqsatynda salynǵan «Ata-Beııt» keshenine, «Sýpara» etno-keshenine, Qyrǵyz Ulttyq konservatorııasyna barady.
Sonymen qatar Qazaqstan delegasııasynyń ókili jyrshy, elimizdegi jalǵyz manasshy, Qyrǵyz Respýblıkasynyń Memlekettik «Dostyq» ordeniniń ıegeri Baıanǵalı Álimjanov, Aslan Ǵafýrov, Roza Álqoja, Jeńis Seıdýllauly «Madanııat-Taryh-Tıl» telearnasynda tikeleı efırde baǵdarlamaǵa qatysady.
Sondaı-aq eki eldiń delegasııasy Abdylas Maldybaev atyndaǵy Qyrǵyz Ulttyq akademııalyq opera jáne balet teatrynda uly aqyn, álemdik deńgeıdegi oıshyl Abaı Qunanbaıulynyń 175 jyldyǵyna arnalǵan merekelik is-sharaǵa qatysady.