Mońǵolııa prezıdenti Halmaagıın Battýlga qazaq halqyn Naýryz meıramymen quttyqtady.
«Naýryz meıramy qutty bolsyn! Qaharly qystyń sýyq kúnderin artqa tastap, kóktemniń jaıma shýaq kúnimen qaýyshyp jatqan qýanyshty sátte Mońǵol Eliniń túpkir túpkirinde ómir súretin barlyq qazaq aǵa baýyrlardy Naýryz merekesimen qyzý quttyqtaımyn.
Birikken Ulttar Uıymynyń Bas Assmbleıasynyń 2010 jylǵy májilisi Halyqaralyq naýryz kúnin dúnıe júzilik dengeıde belgilep toılaý týraly sheshim qabyldaǵan. Naýryz barsha adamzattyń ortaq mádenıeti, rýhanı murasy.Ana tilin, mádenıetin, ádet ǵurypyn ǵasyrlar boıy sol qalpynda saqtap basqaǵa úlgi bolyp kele jatqan Mońǵolııa qazaqtary arasynan dúnıe júzine elimizdiń atyn shyǵarǵan, álemge tanymal eńbek maıtalmandary, memlekettik jáne mádenıet, óner salasynyń qaıratkerleri, ǵalymdar kóptep týyp shyqqany bárimizge maqtanysh.
Qazaq halqynyń ata babadan jalǵasyp kele jatqan maqtan tutar tarıhyn, eńbek jolyn qazaq jastary aldaǵy ýaqytta jalǵastyryp Otanymyzdyń gúldenip órkendeýine qomaqty úles qosady degenge kámil senemin.Barsha qazaq halqy dombyrasyn qalyqtatyp, aıtys án men kúıin sharyqtatyp, aýyl aımaq aqsaqal qarttarǵa qurmet kórsetip, bala shaǵa otbastaryńyzben teksi túgel aman esen bolýlaryńyzdy tileımin.Aspan kóktiń serisi alap qyran taǵdyrlas asyl Qazaq halqynyń isi únemi ilgeri júrip baq baqyty tasqyndaı bersin», dedi Mońǵolııa prezıdeti Halmaagıın Battýlga.