Kez kelgen elektrondy qurylǵynyń «mıy» sanalatyn kompıýterlik chıpterdiń álemdik tapshylyǵy ósýde. COVID-19 pandemııasy avtomobılderdegi keıbir elektrondy komponentterge arnalǵan chıpterdiń jetkizilýine áser etkendikten avtokólik ónerkásibi de qatty zardap shekti, dep habarlaıdy Egemen.kz
Kóptegen avtomobıl óndirýshiler chıpterdiń jetispeýine baılanysty óndiris oryndaryn jabýǵa májbúr boldy. Endigi kezek "aqyldy smartfondarǵa" keldi. Máselen Xiaomi smartfondary chıpterdiń jetispeýshiligine baılanysty qymbattaýy múmkin.
Xiaomi prezıdenti bólshekterdiń jetispeýshiligi kompanııanyń shyǵyndaryn arttyratynyn málimdedi. Demek, buryn qoljetimdi bolǵan qytaılyq gadjetterdiń baǵasy kóteriledi.
Aıta keteıik, chıpterdiń jetispeýshiligi Apple, Huawei, Samsung, Sony, Microsoft syndy smartfon shyǵaratyn alpaýyt kompanııalarǵa da kesirin tıgizip jatyr.