Elordalyq jeti qalamger Qazaqstan Jazýshylar odaǵynyń múshesi atandy.
Odaqtyń basqarma tóraǵasy Ulyqbek Esdáýlet Nur-Sultan qalasyndaǵy Jazýshylar úıinde Imanǵazy Nurahmetuly, Serikzat Dúısenǵazy, Yqylas Ojaı, Ularbek Dáleı, Erbol Beıilhan, Tolqyn Aqanulyna múshelik bıletterin tapsyrdy. Onyń ishinde halyqaralyq «Shabyt» jastar festıvaliniń laýreaty, «Egemen Qazaqstan» gazeti Mádenıet bóliminiń meńgerýshisi, aqyn Mıras Asan da bar.
Jalpy, qazirgi tańda elordada Jazýshylar odaǵynyń 140-tan astam múshesi tirkelgen. Mine, olardyń qatary jańa býynmen tolyǵyp otyr. Is-shara aıasynda Jazýshylar odaǵynyń hatshysy, Memlekettik syılyqtyń laýreaty, aqyn Nesipbek Aıtuly, elordalyq fılıal dırektory Dáýletkereı Kápuly qalamgerlerge shyǵarmashylyq tabys tilep, ádebıetke ómirsheń týyndylar qosatynyna senim bildirdi.