Qazaqstannyń tabıǵat qorǵaý jáne quqyq qorǵaý organdarynyń kúsh-jigerin biriktirý kezinde 2021 jylǵy 1 sáýir men 31 mamyr aralyǵynda Atyraý, Mańǵystaý jáne Batys Qazaqstan oblystarynda keń aýqymdy "Bekire"balyq qorǵaý aksııasy ótedi.
Esterińizge sala keteıik, jyl saıyn balyq qorǵaý sharalarynyń tıimdiligin arttyrý úshin ekologııa, geologııa jáne tabıǵı resýrstar, ishki ister mınıstrleriniń jáne QR Ulttyq qaýipsizdik komıteti Tóraǵasynyń "Bekire "balyq qorǵaý aksııasyn ótkizý týraly Birlesken buıryǵyna qol qoıylady.
Balyqtardyń baǵaly túrleriniń ýyldyryq shashý kezeńinde balyqtardyń, onyń ishinde bekire túrleriniń ýyldyryq shashý oryndaryna qonys aýdarýyn qamtamasyz etý maqsatynda balyqtardyń zańsyz aýlanýyna jáne aınalymyna qarsy is-qımyl boıynsha kúsh biriktiriledi. Osy maqsattar úshin balyq qorǵaý aksııasyn ótkizý kezinde quqyq qorǵaý jáne tabıǵat qorǵaý organdarynyń ózara is-qımyly jónindegi úılestirý shtabynyń quramy, sondaı-aq aksııa kezindegi birlesken is-qımyl jospary bekitiledi.
Atyraý qalasynda "Bekire-2021"aksııasyn ótkizý jónindegi úılestirý shtabynyń otyrysy kezinde aksııa sheńberindegi josparlar týraly tolyǵyraq aıtyldy.
Ekologııa mınıstrligi Balyq sharýashylyǵy komıtetiniń tóraǵasy Narıman Júnisovtyń aıtýynsha, shtabtyń jumys organy Jaıyq-Kaspıı oblysaralyq basseındik balyq sharýashylyǵy ınspeksııasy bolyp belgilendi.
"Bıylǵy jyly negizgi kúshter Kaspıı teńiziniń jaǵalaýy men akvatorııasynda jáne Atyraý oblysynyń shegindegi Jaıyq jáne Qıǵash ózenderiniń bastaýlarynda shoǵyrlanýy tıis, óıtkeni dál sol jerlerde brakonerlik faktiler oryn alýy yqtımal. Balyqtyń zańsyz aınalymy faktilerin anyqtaý jáne jolyn kesý jónindegi jumysty kúsheıtý mańyzdy. Ol úshin stasıonarlyq jáne jyljymaly beketter, mobıldi reıdtik toptar uıymdastyrylady", - dedi komıtet basshysy.
Sonymen qatar, aksııaǵa qatysýshylar Jaıyq ózenin aınalyp ótip, beketter men tonnalyq ýchaskelerdi tekserdi, sondaı-aq Kaspıı teńizi jaǵalaýynyń soltústik bóligin tikushaqpen aınalyp ushty.
Aıta keteıik, ótken jyldardaǵy balyq qorǵaý aksııasynyń nátıjeleri kóktemgi balyq aýlaý maýsymynda brakonerlik toptardyń qyzmeti arta túskenin kórsetedi. "Bekire-2020" aksııasynyń qorytyndysy boıynsha 759 buzýshy ákimshilik jaýapkershilikke tartylyp, 33 qylmystyq is qozǵaldy. Tártip buzýshylarǵa 13 mln.teńgeden astam somaǵa ákimshilik aıyppul salyndy, zańsyz aınalymnan 13,9 tonna balyq alyndy, onyń ishinde 943,6 kg bekire tuqymdas balyq túrleri, 16,34 kg bekire tuqymdas balyq ýyldyryǵy, 439 birlik aýlaý quraldary, 20 birlik júzý jáne 7 kólik quraldary.