Prezıdenttiń baspasóz hatshysy Berik Ýálı Facebook paraqshasynda Memleket basshysynyń Qazaqstan halqyna Joldaýynda aıtylǵan taǵy bir mindettiń oryndalǵany týraly jazdy, dep habarlaıdy Egemen.kz
Berik Ýálı Prezıdent Qasym-Jomart Toqaevtyń Joldaýynan úzindi keltirip, sol mindettiń búginde iske asqanyn dáleldeıtin aqparat jarııalady.
«Dáriger mamandyǵyn materıaldyq turǵydan da nyǵaıta túsý mańyzdy bolyp otyr. Muny biz qazirgi daǵdarys kezinde qolǵa alyp jatyrmyz, endi ony júıeli túrde júzege asyrýymyz kerek. 2023 jylǵa qaraı dárigerlerdiń jalaqysy ekonomıkadaǵy ortasha jalaqydan eki ese artyq bolady», degen bolatyn Prezıdent óz Joldaýynda. Berik Ýálı jarııalaǵan málimette 2021 jyldyń 1 qańtarynan bastap 247 myń medısına qyzmetkeriniń jalaqysy óskenin aıtylǵan.
Naqtyraq aıtqanda, dárigerlerdiń jalaqysy 246 myń teńgeden 320 myń teńgege, orta deńgeıdegi qyzmetkerlerdiń jalaqysy 145 myń teńgeden 173 myń teńgege deıin ósken.
2021-2023 jyldary Prezıdent Joldaýyndaǵy tapsyrmany iske asyrý úshin bıýdjetten 1 141,5 mlrd teńge bólý qarastyrylyp otyr.