Qala kórkin ashatyn «Tarazǵa tartý»

Áýeli oblys ákimi Jaýǵash batyr kóshesinde qaıta qalpyna keltirilgen ámbebap sport alań­­sha­synyń jumysyn baryp­ kórdi. Merdiger «Ǵımarat Stroı Com» jaýapkershiligi shek­teý­li seriktestiginiń dırektory As­qar Jetpisbaevtyń aıtýynsha, sport alańy 20 kúnde qaıta jańǵyr­týdan ótken. Munda kishi fýtbol, basketbol jáne voleıbol oınaý úshin barlyq jaǵ­daı jasalǵan.

«Qalada kóp alań qaıta jań­ǵyrtyldy. Biraq onyń kóbi bos tur. Sol úshin sport basqarmasy qala turǵyndaryn, jastar men jasóspirimderdi salamatty ómir saltyn ustanýǵa shaqyryp, osyndaı ámbebap sport alańdarynda jarystar uıymdastyrýdy qol­ǵa alýy tıis. Keste jasap, balalar­dyń jazǵy kanıkýlda ýaqytyn tıim­di ótkizýge kúsh salý kerek. Qajet bolsa, bos turǵan mek­tep­terdiń sport zaldaryn da ashyp, jaz ýaqytynda jastardyń sportpen shuǵyldanýy úshin tıimdi paıdalanýdy qarastyrǵan jón», dedi B.Saparbaev.

Budan keıin oblys ákimi Baızaq batyr kóshesiniń boıyndaǵy jol jón­deý jumystarymen de ta­nysty. Táýelsizdiktiń 30 jyl­dyǵyna oraı júzege asyp otyr­ǵan «Tarazǵa tartý» jobasy aıasynda Qazybek bı kóshesindegi №131 jáne 133-kópqabatty tur­­ǵyn úılerdiń kóshe jaq be­tin­degi gúlbaqty abattandyrý jumysy josparlanǵan. Ol aýmaq­ty abattandyrýǵa Talas aýdany jaýapty bolǵandyqtan, atalǵan aýdannyń ákimi Qa­nat­bek Mádibek qurylys ju­mys­tarynyń bastalǵaly jat­qanyn aıtyp, joba-jospary­men bólisti. Oblys ákimi skver­di jasaǵannan keıin onyń qa­syn­daǵy kópqabatty turǵyn úıler­diń kóshe jaq qasbetin de árleý kerek ekenin jetkizdi. Jambyl polıtehnıkalyq joǵary kol­ledji aldyndaǵy alleıaǵa qa­tysty da usynys aıtyldy. Al Tuńǵysh Prezıdent atyndaǵy saıa­baqtaǵy jasandy kól men amfıteatrdy qalpyna keltirý jumystaryn Qordaı men Shý aýdandary óz moıyndaryna alǵan.

B.Saparbaev sondaı-aq B.Mo­mysh­uly kóshesi boıyndaǵy jol jóndeý jáne B.Momyshuly tuıy­ǵyndaǵy jańa skverdiń qu­rylys jumysymen de tanysty. Skverdegi qurylys jumysyn «Narken» jaýapkershiligi shek­teýli seriktestigi júrgizýde. Se­rik­testik dırektory Dáý­ren­ Nar­janovtyń aıtýynsha,­ mun­­daǵy 300 metr aýmaq abattandyrylady. Sondaı-aq dańqty shopan, eki márte So­sıa­lıstik Eńbek Eri atanǵan Jazylbek Qýanyshbaevqa arnap eskertkish-taqta ornatý boıyn­sha usynystar qaralyp jat­qanyn jetkizdi. Berdibek Sapar­baev bul kóshege Jazylbek Qýanyshbaevtyń esimin berý tý­raly bastama kóterdi. О́ıt­keni batyr esimimen atalatyn­ úlken dań­ǵyldaǵy ekinshi ret qaı­ta­la­nyp turǵan kóshe tuıyǵynyń ózi de soǵan suranyp turǵandaı. Qala ákimine uzyndyǵy eki sha­qy­rymnan asatyn kóshege Eńbek Eriniń esimin berý máse­lesin zerdeleýdi tapsyrdy.

Sondaı-aq oblys áki­mi dre­­naj­­dy kanalynyń, Aısha bı­bi kóshesiniń jáne Úsh­bu­laq ka­nalynyń abattandyrý ju­my­symen tanysyp, oǵan jaýap­ty oblys ákimdiginiń basqar­ma­­laryna qurylys jumysyn jedel bastaý­dy júktedi. Jumys sapary barysynda B.Saparbaev «Shóldala» shaǵyn aýdanynda bir kún buryn ashylǵan áleýmet­tik dúkenine de arnaıy at basyn burdy. Kásipker Patos Talı­pov­tiń aıtýynsha, mundaǵy ba­ǵa bazar baǵasynan áldeqaıda tó­­men eken. Máselen, sút ónim­deri naryq baǵasynan 40 teń­gege tómen ótkerilýde. Bir kún­de mun­da myń turǵyn saýda ja­sap úl­geripti. «Mundaǵy baǵa ózge dú­­kender men saýda ortalyq­ta­r­­yndaǵy baǵaǵa qaraǵanda 15-20 paıyzǵa tómen. Bizdi osy dúken­niń arzandatylǵan azyq-túlik baǵasy qýantyp otyr. Eń bastysy – qala syrtyndaǵy shalǵaı sha­ǵyn aýdan halqyna osyndaı áleý­­mettik dúkenniń ashylǵany jaq­sy bolyp qaldy», deıdi atal­ǵan shaǵyn ­aýdan turǵyny Baqyt Omarova.

«Tarazǵa tartý» jobasy aıa­syn­da osyndaı jumystar júr­gizilýde. Qalanyń tıisti oryn­darynyń abattandyrylýyna jaýapty aýdan ákimdikteri tara­py­nan da júıeli jumystar uıym­dastyrylýda. Atalǵan joba sheń­berinde Taraz qalasynyń sáýleti kún sanap artyp keledi.