Taraptar eki el arasynda táýelsizdik jyldarynda qol jetkizilgen yntymaqtastyqtyń joǵary deńgeıin atap ótip, óńirlik kún tártibindegi ózekti máseleler boıynsha pikir alysty6 dep habarlaıdy Egemen.kz.
– Qazaqstan men Armenııa arasynda tarıhı turǵydan jaqsy qarym-qatynas qalyptasty. Táýelsizdik jyldarynda men Armenııanyń barlyq prezıdentterimen áriptestik baılanysta boldym. Bizdiń elder arasynda sheshimin tappaǵan másele joq. Qazir Armenııadaǵy jaǵdaı kúrdeli ekenin bilemin, – dedi Elbasy.
Nursultan Nazarbaev Armenııa, Ázerbaıjan jáne Reseı kóshbasshylary arasynda 2020 jyly 9 qarashada qol jetkizilgen ýaǵdalastyq Erevan men Baký arasyndaǵy barlyq túıtkildi máselelerdi sheshýge jol ashatynyna senim bildirdi.
Armenııa Prezıdenti Armen Sarkısıan Qazaqstannyń Tuńǵysh Prezıdentine qonaqjaılyq tanytyp, mańyzdy máselelerdi talqylaýǵa múmkindik bergeni úshin alǵys aıtty.
– Biz jaqsy ári jaqyn qarym-qatynastamyz. Bul shyn máninde solaı. Uzaq jyldan beri Qazaqstanda armıan qaýymy baqýatty ómir súrip jatyr. Bizdiń dostyǵymyzdyń Armenııa Respýblıkasymen qatar, barsha armıan ulty úshin de mańyzy zor, – dedi A.Sarkısıan.