Sharyn shatqalynda júrgen selden zardap shekken eki adam Almaty qalasynyń №4 Qalalyq klınıkalyq aýrýhanasyna jetkizilgen bolatyn, dep habarlaıdy Egemen.kz.
Jedel járdem brıgadasymen 23 jastaǵy Madına 29 mamyrda ákelingen.
«Men sol ekskýrsııada jol bastaýshy boldym. Sharyn shatqalyndaǵy sel kóshkini kezinde 4 oqýshymen birge sel tasqynyna túsip, sol kezde jaraqat aldym. Alǵashqy kezde jaraqat sezinbedi, maǵan balalardy avtobýsqa jınap, qalǵandaryn tabýǵa kómektesip, ata-analarmen kezdesý qajet boldy. Áke-shesheleri balalardy taratyp alyp ketkennen keıin, artymnan ápkem kelgende, men aıaǵymnyń aýyratynyn jáne qatty basym aınalyp turǵanyn bildim.. Bir sátte esimdi joǵaltyp, aýrýhanada ǵana ózime keldim», dedi Madına.
Týrıstik avtobýspen qyzdy qalaǵa alyp kelip, sodan keıin jedel medısınalyq járdem kóligimen týystarymen birge №4 qalalyq klınıkanyń jaraqat pýnktine alyp keldi.
«Naýqas birden reanımasııa bólimine jetkizilip, keshendi tekserýden ótildi, quramynda travmatolog, terapevt, anestezıolog bar dárigerlerdiń mýltıdıssıplınarlyq brıgadasy qarady. Beıindi bólimshede tolyq em-sharalardy alyp shyqty», dedi №4 Qalalyq klınıkalyq aýrýhananyń bas dárigeri Saǵı Beısenbekov.
Uljan da №199 mektep-gımnazııasy pedagogtarynyń biri. 29 mamyrda ol Sharyn shatqalyna ekskýrsııaǵa mektep oqýshylarymen birge barǵan. Tótenshe oqıǵanyń nátıjesinde muǵalim jabyq bas súıek-mı jaraqatyn, bas mıynyń shaıqalýyn, dene, aıaq-qol jaraqattaryn alady. Oqıǵa bolǵan kúni jedel járdem kóligimen Uıǵyr ortalyq aýdandyq aýrýhanasyna jetkiziledi, al 30 mamyrda №4 Qalalyq klınıkalyq aýrýhanasynyń qabyldaý bólimine óz betinshe júgingen.
30 mamyrda naýqas beıindi bólimshege jatqyzylyp, tolyq medısınalyq kómek aldy. Sharynda zardap shekkendermen birge psıhologtar jumys istedi, búginde olar turǵylyqty jeri boıynsha odan ári ambýlatorııalyq emdelýge jiberildi», deıdi №4 Qalalyq klınıkalyq aýrýhananyń bas dárigeri Saǵı Beısenbekov.