Almatyda aıaq asty tolǵaǵy kelgen kelinshek kóshede bosanyp qaldy. Ol perzethanaǵa jetip úlgermedi, dep habarlaıdy Egemen.kz.
Almaty qalalyq qoǵamdyq densaýlyq saqtaý basqarmasy túsindirgendeı, kelinshektiń kóshede bosanyp qalýynyń sebebi - medısınalyq kómekke ýaqtyly júginbegen.
«Almatylyq áıel óz ýaqytynda medısınalyq kómekke júginbedi. Jaǵdaıyna mán bermegen. Jedel járdem qyzmetimen olar aýrýhanaǵa jetkizildi. Qazirgi ýaqytta ana men náresteniń jaǵdaıy qanaǵattanarlyq dep baǵalanady», dep habarlady vedomstvodan.
Abyroı bolǵanda, qalalyq №16 emhananyń akýsher-gınekology kelinshektiń tolǵaǵy kelgen ýaqytta sol mańnan ótip bara jatqan. Ol der kezinde kómekke kelip, balany aman-esen bosandyryp alǵan.