Táýelsizdiktiń 30 jyldyǵyna oraı qala ákimi M.Áıtenovtiń bastamasymen Shymkentte shahmattan jasóspirimder arasynda Qazaqstan chempıonaty ótedi, dep habarlaıdy Egemen.kz.
Chempıonatty Shymkent qalasy ákimdigi men Qazaqstandyq shahmat federasııasy uıymdastyrýda. «Shymkent – elimizdiń shahmat astanasy» brendin qalyptastyrý aıasynda qolǵa alynǵan sporttyq saıys aldaǵy shilde aıynyń 20-30 juldyzy aralyǵynda ótedi dep josparlanyp otyr.
Is sharanyń maqsaty - halyqaralyq shahmat arenasynda Qazaqstannyń oń ımıdjin qalyptasyra otyryp, Shymkentti zııatkerlik shaharǵa aınaldyrý. Sondaı-aq, shahmattan jańa esimderdi anyqtaý.
Aıta keteıik, shahmattan jasóspirimder arasynda Qazaqstan chempıonaty memlekettik bıýdjetten esh qarjysyz uıymdastyrylady. Jarys «Black Rock Business» JShS-niń demeýshiligimen ótedi. Jalpy saıystyń júlde qory 2 880 000 teńgeni quraıdy. Jeńimpazdar álem jáne Azııa chempıonattarynyń joldamasyna ıe bolmaq. Al chempıonattyń talap-erejelerimen Qazaqstan shahmat federasııasynyń resmı saıtynan tanysýǵa bolady.