Epıdemıologııalyq jaǵdaıdyń saldarynan elorda kúnine arnalǵan is-sharalar onlaın formatta ótetin boldy, al qalǵan bóligi ótkizilmeıdi.
Elordanyń bas memlekettik sanıtarlyq dárigeri Sarhat Beısenovanyń qaýlysyna sáıkes jabyq oryndar men konsert zaldardaǵy is-sharalarǵa tyıym salynǵan. Sondaı-aq ashyq aýadaǵy attraksıonnyń barlyq túriniń jumysyna tyıym salynady.
Tolymdylyǵy 20%-dan aspaıtyn teatrlardyń, sondaı-aq PTR-testteri bar jyljymaly konsertterdiń jumysyna ǵana ruqsat etiledi.
Sol sııaqty «Ashyq» jobasy negizinde karantındik sharalardy qatań túrde saqtaı otyryp, ashyq aýada ótetin is-sharalarǵa ruqsat etiledi.
Mysaly, 6 shilde kúni «MýzArt» onlaın-konserti josparlanǵan. Onlaın-translıasııa boıynsha barlyq aqparat Nur-Sultan qalasy Mádenıet basqarmasynyń Instagram jelisindegi @ns.madeniet paraqshasynda jarııalanady.
Elorda kúnin merekeleý áleýmettik jobalarǵa arnalady jáne tek áleýmettik sıpatta bolady. Naqtyraq aıtqanda halyqtyń áleýmettik osal toptary arasynda kezekte turǵandarǵa baspana kiltin tabystaý, qurylysy uzaqqa sozylǵan 20-ǵa jýyq úıdi aıaqtaý, О́ndiris jáne Kóktal aýdandaryndaǵy iri dene shynyqtyrý-saýyqtyrý keshenderiniń qurylysyn aıaqtap, paıdalanýǵa berý is-sharasy ótedi.
Sonymen qatar, kórý qabileti buzylǵan balalarǵa arnalǵan mamandandyrylǵan balabaqsha ashylady, 50-den astam aýlanyń, 10-ǵa jýyq qoǵamdyq keńistiktiń qurylysy aıaqtalady.