Oblystyq sanıtarlyq-epıdemıologııalyq baqylaý departamentiniń málimetine súıensek, Ashyq jobasy 26 sáýirde engizilgen, dep habarlaıdy Egemen.kz.
Sodan beri jobaǵa 402 kásipkerlik nysany qatysqan. Al, 61 nysan joba aıasynda testilik rejımde jumys isteıdi.
«Jobaǵa qosylǵan nysandar kásipkerliktiń barlyq salasyn qamtyp otyr. О́ńirdegi Ashyq jobasyna qatysatyn nysandarda 68 adam «sary», 34 adam, «qyzyl» statýsymen anyqtaldy. Sondaı-aq 11-28 maýsym aralyǵynda Ashyq jobasyna qosylǵan nysandarda «qyzyl» statýsymen ózin-ózi oqshaýlaý rejımin buzǵan 17 adam anyqtalyp, eki turǵyn ákimshilik jaýapqa tartyldy. Olardyń árqaısysyna 87 510 teńge mólsherinde aıyppul salyndy», dep habarlady departament mamandary.