Búgin, 10 qańtar kúni Qazaqstan aımaqtarynyń basym bóliginde aýa raıy kúrt ózgerip, qar men jel kúsheıe túsedi. Bul týraly Ras.kz habarlady.
«Qazaqstan terrıtorııasynyń basym bóligi atmosferalyq beldeýlerge bólinip, keı jerlerde qar, burqasyn bolýy, jeldiń kúsheıýi, taǵy bir jerlerde tuman túsýi kútilýde. Teń ońtústikte, ońtústik-shyǵysta ǵana burynǵysynsha jaýyn-shashyn bolmaıdy», – delingen habarlamada.
Aqmola, Soltústik Qazaqstan, Pavlodar, Qostanaı oblystarynda, kúndiz Aqtóbe oblysynda keı jerlerde burqasyn turady dep kútilýde, jeldiń ekpini sekýndyna 15-22 metrge jetedi.
Almaty oblysynyń Jalańashkól aýdanynda jeldiń epkini 15-20 metr bolady.
Qyzylorda oblysynyń, túnde jáne tańerteń Ońtústik Qazaqstan oblysynyń keı jerlerinde tuman túsedi.
Atyraý, Batys Qazaqstan oblystarynyń keı jerlerinde tuman túsedi dep kútilýde, taıǵaq bolady, jeldiń kúshi 15-20 metrge jetedi.
Jambyl oblysynda, túnde Mańǵystaý oblysynyń keı jerlerinde tuman túsip, 15-22 metr jyldamdyqpen jel soǵady.
Shyǵys Qazaqstan oblysynyń keı jerlerinde jeldiń kúsheıýi 15-20 metr bolyp, jaıaý burqasyn soǵady.
Almatyda kóshpeli bult shyǵady, jaýyn-shashynsyz. Jel 0-5 metrlik. Temperatýra túnde 11-13, kúndiz 4-6 gradýs aıaz.
Astanada kóshpeli bult kóteriledi. Oqta-tekte qar jaýyp, boran uıtqıdy. Ońtústik–batystan 9-14 metrlik jel turady, onyń kóterilýi 15-18 metrge barady. Temperatýra túnde 15-17, kúndiz 6-8 aıaz bolady.
Maqsat Islam.
Derekkóz: Ras.kz
Foto: News. Nur.kz.