2013 jylǵy 30 jeltoqsan, Astana, Úkimet Úıi «Azamattyq áýe kemelerin paıdalanýshylarǵa qoıylatyn sertıfıkattyq talaptardy bekitý týraly» Qazaqstan Respýblıkasy Úkimetiniń 2011 jylǵy 31 naýryzdaǵy № 319 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:1. «Azamattyq áýe kemelerin paıdalanýshylarǵa qoıylatyn sertıfıkattyq talaptardy bekitý týraly» Qazaqstan Respýblıkasy Úkimetiniń 2011 jylǵy 31 naýryzdaǵy № 319 qaýlysyna (Qazaqstan Respýblıkasynyń PÚAJ-y, 2011 j., № 28, 343-qujat) mynadaı ózgerister men tolyqtyrýlar engizilsin:kórsetilgen qaýlymen bekitilgen Azamattyq áýe kemelerin paıdalanýshylarǵa qoıylatyn sertıfıkattyq talaptarda:4 jáne 5-tarmaqtar mynadaı redaksııada jazylsyn: «4. Paıdalanýshy qyzmet túrine, paıdalanylatyn áýe kemeleriniń úlgisine qaraı, uıymdyq qurylymǵa kiretin qajetti qurylymdyq bólimsheler men qyzmetterdiń tizbesin ázirleıdi jáne bekitedi:1) ushý qyzmeti; 2) ushýǵa jaramdylyqty qoldaý qyzmeti;3) jerdegi qyzmet kórsetý qyzmeti;4) ushý qaýipsizdigi jónindegi ınspeksııa; 5) avıasııalyq qaýipsizdik qyzmeti;6) bortserikter qyzmeti;7) personaldy daıarlaý qyzmeti;8) sapany baqylaý qyzmeti;9) ushýdy basqarý jáne uıymdastyrý qyzmeti;10) eńbekti qorǵaý qyzmeti nemese eńbekti qorǵaýdyń jaı-kúıi úshin jaýapty adam.5. Paıdalanýshy óz kúshimen nemese basqa uıymdarmen sharttardyń negizinde mynadaı jumys túrlerin júrgizýdi qamtamasyz etedi:1) avıasııalyq tehnıkaǵa tehnıkalyq qyzmet kórsetý jáne ony jóndeý;2) ushý aqparatyn óńdeý jáne taldaý;3) ushýdy medısınalyq qamtamasyz etý jáne medısınalyq kýálandyrýdan ótý; 4) meteorologııalyq qamtamasyz etý;5) aeronavıgasııalyq qamtamasyz etý;6) avıasııa personalynyń biliktiligin arttyrýdy jáne trenajerda daıarlanýyn qamtamasyz etý;7) avıasııalyq qaýipsizdikti qamtamasyz etý;8) jerde qyzmet kórsetýdi qamtamasyz etý;9) jolaýshylar men júkterge qyzmet kórsetý;10) janar-jaǵarmaı materıaldarymen qamtamasyz etý; 11) bort taǵamymen qamtamasyz etý; 12) ushýdy uıymdastyrýdy jáne basqarýdy qamtamasyz etý.»;mynadaı mazmundaǵy 5-1, 5-2, 7-1 jáne 7-2-tarmaqtarmen tolyqtyrylsyn:«5-1. Oryndalatyn ushýdyń kólemi men kúrdeliligine qaraı paıdalanýshy jalpy maqsattaǵy jáne sertıfıkattalǵan eń aýyr ushyp kóterilý salmaǵy bes myń jeti júz kılogramnan kem áýe kemelerin paıdalanatyn avıasııaǵa jatatyndardy qospaǵanda, Qazaqstan Respýblıkasy Úkimetiniń 2010 jylǵy 18 qazandaǵy № 1070 qaýlysymen bekitilgen azamattyq áýe kemelerin paıdalanýshylardyń ushý qaýipsizdigin basqarý jónindegi úlgilik nusqaýlyqqa sáıkes ushý qaýipsizdigin basqarý júıesin engizýdi qamtamasyz etedi.5-2. Paıdalanýshy qyzmettiń málimdelgen kólemin oryndaý úshin qajetti, qoldanystaǵy ushýǵa jaramdylyq sertıfıkattary bar áýe kemeleriniń jetkilikti sanynyń bolýyn qamtamasyz etedi. Bir áýe kemesin eki jáne odan da kóp paıdalanýshynyń sertıfıkatyna bir mezgilde engizýge jol berilmeıdi.»;«7-1. Paıdalanýshyda jumystardyń boljamdy kólemin júzege asyrý úshin qajetti, bilikti jáne daıarlanǵan ushý personaly, kabınalyq jáne jerdegi personaly bolady.7-2. Paıdalanýshy ushý qaýipsizdigine qaýip tóndirýi múmkin paıdalaný dırektıvalary men basqa da aqparatty paıdalanýshynyń múddeli qyzmetteriniń bárine dereý taratýdy qamtamasyz etedi, sondaı-aq paıdalaný qujattamasy men basqa da qujattamaǵa ózgerister men tolyqtyrýlardy ýaqtyly engizýdi qamtamasyz etedi.»;mynadaı mazmundaǵy 9-1 jáne 9-2-tarmaqtarmen tolyqtyrylsyn:«9-1. Paıdalanýshy ózderiniń áýe kemeleri baqylanbaıtyn áýe keńistiginde ushqan kezde avarııalyq habardar etýdi qamtamasyz etedi. 9-2. Paıdalanýshy azamattyq avıasııa salasyndaǵy ýákiletti organǵa azamattyq avıasııa salasyndaǵy ýákiletti organ bekitken nysan boıynsha qarjy-ekonomıkalyq jaǵdaı týraly aqparat berýdi qamtamasyz etedi.»; 10-tarmaq mynadaı redaksııada jazylsyn: «10. Paıdalanýshy shtatta mynalarǵa jaýapty basshylardyń laýazymdaryn kózdeıdi:1) ushýda paıdalaný; 2) ushýǵa jaramdylyqty qoldaý;3) avıasııa personalyn daıarlaý;4) jerde qyzmet kórsetý; 5) avıasııalyq qaýipsizdik;6) sapa menedjmenti (baqylaý) júıesi; 7) ushý qaýipsizdigin basqarý júıesi.»;mynadaı mazmundaǵy 10-1-tarmaqpen tolyqtyrylsyn:«10-1. Eger paıdalanýshynyń shtat sany shtattyq 20 qyzmetkerden kem bolsa, sapa júıesiniń basshysyn qospaǵanda, bir adam Qazaqstan Respýblıkasy zańnamasynyń eńbek jáne tynyǵý bóligindegi talaptaryn saqtaı otyryp, taǵaıyndalǵan basshynyń eki laýazymyn atqara alady.»;11-tarmaq mynadaı redaksııada jazylsyn: «11. Paıdalanýshy:1) ushýdy júrgizý jónindegi nusqaýdy;2) tehnıkalyq qyzmet kórsetýdi retteý jónindegi paıdalanýshy nusqaýyn; 3) ushý qaýipsizdigi jónindegi qujattama júıesiniń sıpattamasyn qosa alǵanda, ushý qaýipsizdigin basqarý júıesi jónindegi nusqaýdy; 4) avıasııalyq qaýipsizdikti qamtamasyz etý baǵdarlamasyn;5) tehnıkalyq qyzmet kórsetý baǵdarlamasyn;6) tehnıkalyq qyzmet kórsetý personaly úshin oqytý jónindegi nusqaýdy ázirleýdi jáne azamattyq avıasııa salasyndaǵy ýákiletti organda bekitýdi qamtamasyz etedi.»;«Tehnıkalyq qyzmet kórsetýdi uıymdastyrý» degen 7-taraýda:ataýy mynadaı redaksııada jazylsyn: «7. Tehnıkalyq qyzmet kórsetýdi jáne ushý jaramdylyǵyn qoldaýdy uıymdastyrý»; mynadaı mazmundaǵy 22-1, 22-2 jáne 22-3-tarmaqtarmen tolyqtyrylsyn:«22-1. Paıdalanýshy kommersııalyq áýe tasymalyn júzege asyrmaıtyn jeńil jáne asa jeńil avıasııanyń áýe kemelerine «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasy Zańynyń (budan ári – Zań) 54-babyna sáıkes berilgen qoldanystaǵy kýálikteri nemese shet memleket bergen jáne Zańnyń 55-babyna sáıkes tanylǵan kýálikteri bar avıasııa personalynyń tehnıkalyq qyzmet kórsetýin jáne jóndeýin qamtamasyz etedi.22-2. Paıdalanýshy áýe kemelerine tehnıkalyq qyzmet kórsetýdi azamattyq avıasııa salasyndaǵy ýákiletti organ bekitken tehnıkalyq qyzmet kórsetý baǵdarlamalary (reglamentteri) boıynsha qamtamasyz etedi.Áýe kemeleriniń jáne onyń quraýyshtarynyń ushýǵa jaramdylyq normalaryna sáıkes kelýin paıdalanýshy Qazaqstan Respýblıkasy Úkimetiniń 2011 jylǵy 23 shildedegi № 851 qaýlysymen bekitilgen Qazaqstan Respýblıkasynyń azamattyq áýe kemelerin tehnıkalyq paıdalaný jáne olardy jóndeý qaǵıdasynyń talaptaryna sáıkes júzege asyrady. 22-3. Paıdalanýshy ushýǵa jaramdylyqty qoldaý jónindegi barlyq eseptik málimetterdiń jáne/nemese tehnıkalyq qujattardyń júrgizilýin jáne muraǵattyq saqtalýyn qamtamasyz etedi, olar mynany qamtıdy:1) paıdalanýshynyń borttyq tehnıkalyq jýrnalynyń aqparaty;2) áýe kemesiniń formýlıary;3) qozǵaltqyshtardyń formýlıarlary nemese qozǵaltqyshtar modýlderiniń pasporty (zattańbalar); 4) áýe burandalarynyń formýlıarlary nemese pasporttary.»;23-tarmaq mynadaı redaksııada jazylsyn: «23. Turaqty kommersııalyq áýe tasymaldaryn oryndaıtyn paıdalanýshy Qazaqstan Respýblıkasy Úkimetiniń 2013 jylǵy 25 aqpandaǵy №185 qaýlysymen bekitilgen Avıakompanııalarǵa turaqty ishki kommersııalyq áýemen tasymaldaýdy oryndaýǵa ruqsat berý qaǵadalarynda belgilengen biliktilik talaptarynyń saqtalýyn qamtamasyz etedi.»;mynadaı mazmundaǵy 23-1, 23-2 jáne 36-1-tarmaqtarmen tolyqtyrylsyn: «23-1. Halyqaralyq turaqty kommersııalyq áýemen tasymaldaýdy oryndaıtyn paıdalanýshy Qazaqstan Respýblıkasy Úkimetiniń 2010 jylǵy 19 qarashadaǵy №1221 qaýlysymen bekitilgen Jolaýshylardy, bagajdy, júkter men pochta jóneltilimderin tasymaldaý jóninde qyzmetter kórsetý úshin avıamarshrýtqa arnalǵan konkýrs ótkizý jáne avıamarshrýttarǵa kýálikter berý qaǵıdalarynda belgilengen biliktilik talaptarynyń saqtalýyn qamtamasyz etedi.23-2. Turaqty emes kommersııalyq áýe tasymaldaryn júzege asyrý úshin paıdalanýshyda satyp alý-satý, lızıng nemese ekıpajsyz jalǵa alý shartynyń negizinde alǵan keminde bir áýe kemesi bolady.»;mynadaı mazmundaǵy 36-1-tarmaqpen tolyqtyrylsyn:«36-1. Paıdalanýshy Halyqaralyq azamattyq avıasııa uıymyna (IKAO) múshe basqa memlekette tirkelgen, jalǵa alynǵan áýe kemelerin paıdalanýdy Halyqaralyq azamattyq avıasııa týraly konvensııanyń 83 nemese 83 bis baptarynyń sheńberinde osy áýe kemeleriniń ushýǵa jaramdylyǵyn saqtaý úshin jaýapkershilikke qatysty Qazaqstan Respýblıkasynyń azamattyq avıasııa salasyndaǵy ýákiletti organy men basqa memleket arasyndaǵy kelisim nemese ýaǵdalastyq bolǵan jaǵdaıda qamtamasyz etedi.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.