«Túrik ulany! Túrkııa respýblıkasyn qurǵan – túrik halqy» degen Atatúrik sózine uıyǵan túrik baýyrlar Qazaq eli táýelsizdigin jarııalaǵanda tuńǵysh tanyp qana qoımaı, shynaıy baýyrlastyq tanytqan bolatyn. Sonyń bir dáıegi – Elbasymyz Nursultan Nazarbaev pen sol tustaǵy Túrkııa Prezıdenti Turǵyt О́zal qazaq-túrik lıseılerin ashýǵa uıytqy bolǵan edi.
«Túrik ulany! Túrkııa respýblıkasyn qurǵan – túrik halqy» degen Atatúrik sózine uıyǵan túrik baýyrlar Qazaq eli táýelsizdigin jarııalaǵanda tuńǵysh tanyp qana qoımaı, shynaıy baýyrlastyq tanytqan bolatyn. Sonyń bir dáıegi – Elbasymyz Nursultan Nazarbaev pen sol tustaǵy Túrkııa Prezıdenti Turǵyt О́zal qazaq-túrik lıseılerin ashýǵa uıytqy bolǵan edi.
Sodan bergi kezeń ishinde qazaq-túrik lıseıler sany 30-ǵa jetip otyr. Jalpy bilim oryndarynyń jumysyn «KATEV» halyqaralyq qory úılestiredi. Eki memleket arasyndaǵy osyndaı ıgilikti sharanyń óz sheshimin taýyp, myńdaǵan ul-qyzdyń bilim alyp, tárbıe úırenýine jol ashqan ýaqyttan beri de 20 jyl óte shyǵypty. Ataýly kúnge oraı «KATEV» halyqaralyq qorynyń basshysy Mehmet Mesýt Ata bastaǵan azamattar keshe basylym redaksııasynda bolyp, «Egemen Qazaqstan» respýblıkalyq gazeti» AQ prezıdenti Saýytbek Abdrahmanovpen pikir bólisip, qol jetken jetistikter men alda turǵan mindetter týraly áńgimelesti.
Qazaq-túrik lıseılerinde qazir segiz myńnan asa bala oqıdy eken. Olarǵa bir kezde 530 muǵalim sabaq berse, qazir 950-ge jetipti. Bir atap óterligi, bul ustazdardyń 820-dan astamy Qazaq eliniń azamattary kórinedi. Buǵan qosa alǵashqy túlekter lıseı tizginin qoldaryna ala bastapty. 30 mekteptiń 22-siniń dırektor qyzmeti bizdiń el azamattarynyń enshisine tıipti.
Qor basshysy Mehmet Mesýt Ata: «Ana jurtta otyrǵan Qazaqstanmen buryn úzilip qalǵan baılanysymyz osy bilim salalary arqyly da jalǵasyp otyr. Qazaq-túrik lıseıleriniń 20 jyl ishindegi qol jetkizgen tabystary az emes. Tek qana lıseılermen shektelip qalmaı, qazaq-túrik kolledjderi men Súleımen Demırel atyndaǵy ýnıversıtetindegi keleli isterimiz de molynan. Bizdiń túlekterdiń bir ǵana jetistikterin alǵa tartar bolsam, 20 jyl ishinde 2 myńnan asa altyn, 3 myńǵa taıaý kúmis, 3 myńnyń ústinde qola, barlyǵy – 8300 medal ıelenippiz. Sońǵy jyldardaǵy halyqaralyq olımpıadalar men ǵylymı jobalarda oqýshylarymyz 1200-den asa medaldi qanjyǵasyna baılady. О́tken jylǵy túlekterimizdiń 99 paıyzy joǵary oqý oryndaryna tústi. Eń bastysy, biz Prezıdent Nursultan Nazarbaevtyń úsh tuǵyrly til týraly aıtqanyn júzege asyryp kele jatyrmyz», dedi. Al basshymen birge kelgen «Qazaqstan Zaman» halyqaralyq qoǵamdyq-saıası gazetiniń jáne «Móldir bulaq» jýrnalynyń bas dırektory Ahmet Alıazbek, túrkııalyq «Jıhan» aqparattyq agenttiginiń Qazaqstandaǵy ókili Doǵan Iyldyz da berekeli jumystyń jaı-japsaryna toqtalyp, qazaq baýyrlarymen berik qarym-qatynasta qyzmet isteıtindikterin jetkizdi.
Basylym basshysy Saýytbek Abdrahmanov eki memleket arasyna altyn arqaý bolyp kele jatqan «KATEV» halyqaralyq qorynyń ıgilikti isterine oń baǵa bere kelip, sonyń bir dáıegi retinde «Nazarbaev Ýnıversıtetine» túskenderdiń 60 paıyzy qazaq-túrik lıseıleriniń túlekteri ekenin atap ótti, osyndaı bilim men bilikti teń ustap otyrǵan qazaq-túrik lıseılerine árkez aqparattyq demeý kórsetip otyrǵanymyzdy nazarǵa salyp, bul ıgi dástúr, dostyq nıet jalǵasa beretinin alǵa tartty.
Súleımen MÁMET,
«Egemen Qazaqstan».