Chılı zertteýshileri jańa bakterııa tapty. Bul týraly ITAR-TASS agenttigine silteme jasaǵan Ras.kz habarlady.
«Borrelia chilensis ataýyn alǵan jańa bakterııa spırohet tártibine jatady. Ol ártúrli kemirgishterdiń boılarynda qan soratyn ıksod kenesinen tabyldy», – delingen habarlamada.
Ǵalymdar bul jańalyqtyń álemdik ǵylymda alatyn ornynyń mańyzdylyǵyna toqtalyp otyr. Sebebi, osy kezge deıin Soltústik jarty sharda kezdesetin Laıma aýrýyn qozdyratyn bakterııany ıksod kenesi taratady dep eseptelip kelgen bolatyn. Keıde bul keneler adamdardy da aýrýǵa shaldyqtyrady.
Jańa bakterııany ashqanda qatarynda zertteýshiler Danıel Gonsales Akýnıa, Roberto Mýrýa, Klaýdıo Ernandes, Haverý Kabelo, sondaı-aq Chılıdegi birqatar ýnıversıtetterdiń ókilderi Larısa Ivanova, Alehandra Tomov, Tomas Denıels, Genrı Godfrı jáne Felıpe Kabelo bar.
Al «de Konsepson» ýnıversıteti veterınarlyq ǵylymdar fakýltetiniń akademıgi Danıel Gonsales Akýnıa: «Qazirgi sáttegi ıdeıa keneniń damý sıklin zertteý, onyń parazıtızmi basqa sút qorektiler men adamǵa áser etýi múmkin be? Osyny bilýdiń mańyzy zor», – dedi.
Aıdar О́risbaev.
Derekkóz: Ras.kz
Foto: Itar-tass.com