Osy jyldyń bes aıynyń qorytyndysy boıynsha Qazaqstannyń syrtqy taýar aınalymy ótken jyldyń sáıkes kezeńimen salystyrǵanda 1%-ǵa artyp, $36,4 mlrd qurady, dep jazady Egemen.kz Úkimettiń resmı saıtyna silteme jasap.
Bul rette shıkizattyq emes taýarlar eksportynyń kólemi 23,4%-ǵa ósip, $7,2 mlrd qurady.
Eń joǵary ósim metallýrgııada - 27,5%, qurylys ındýstrııasynda - 25,8% farmasevtıka salasynda - 18,4%, hımııa ónerkásibinde 4,6% deńgeıinde baıqalady.
AО́K óńdelgen óniminiń eksporty ótken jyldyń sáıkes kezeńimen salystyrǵanda 10,8%-ǵa ósip, $545,8 mln nemese AО́K eksportynyń jalpy kóleminiń 33%-yn qurady.
Eksport qurylymynda un men makaron ónimderi, ósimdik maılary, maqta talshyǵy, et jáne sút ónimderi, kondıterlik ónimder sekildi taýarlar basym.
Úkimet basshysy ındýstrııa jáne ınfraqurylymdyq damý, aýyl sharýashylyǵy mınıstrlikterine ishki naryqty jáne eksporttyq áleýetti damytýdy qamtamasyz etýge múmkindik beretin óńdeý ónerkásibi ónimderi óndirisiniń jetkilikti kólemin qamtamasyz etýdi tapsyrdy.