Ispanııada top jarýdy kózdeıdi

76 jyldyq tarıhy bar áıgili jarystyń uıymdastyrýshylary bıylǵy básekeniń kestesine az­­daǵan ózgeris engizgen eken. 2021 jylǵy «Ispanııa Výel­tasy» 800 jyldyq tarıhy bar Býr­gos shirkeýinen bastalyp, San­tıago-de-Kompostela qa­la­synda ornalasqan «Áýlıe Iakov­­tyń joly» dep atalatyn Eý­ropadaǵy eń áıgili tarıhı me­kende óz máresine jetedi. Is­­pa­nııadaǵy osy eki uly tarıhı jerdiń qurmetine bıylǵy «Výelta-2021» velojarysynyń fı­naly ádettegideı Madrıdte emes, Santıago-de-Kompostela qalasynda ótedi.

Úsh aptaǵa sozylatyn ja­rys­tyń birinshi jeti kúninde veloshabandozdar Býrgas qalasynan jolǵa shyǵyp, Ispanııanyń ortalyǵyna jáne Jerorta teńi­ziniń jaǵalaýyna qaraı júre otyryp, eldiń ońtústik aımaǵyndaǵy Mýrsııa qalasyna bet alady. Ekinshi aptadaǵy jarys kúni An­da­lýsııada bastalyp, sportshylar soltústikke jol tartady. Al «Ispanııa Výeltasynyń» soń­ǵy aptasy Bıskaı shyǵa­na­­­ǵy­nyń ja­ǵalaýynda ótedi. Ve­lo­sha­bandozdar ári qaraı ba­tys­qa, ıaǵnı Atlant muhıtynyń ja­ǵalaýyna qaraı júredi. Son­daı-aq bıylǵy Grand-týrdyń bu­­ǵan deıingi jarystardan ta­ǵy bir ereksheligi, birinshi ke­zeń je­keleı saıyspen bastalyp, 5 qyrkúıekte dál osyndaı sprın­terlerdiń báse­kesimen aıaqtalady.

Úsh aptaǵa sozylatyn 21 ke­zeńde velosportshylar barlyǵy – 3 417,7 shaqyrym jol júredi. Sondaı-aq sportshylarǵa jarys barysynda tynyǵyp, qosymsha kúsh jınap alý úshin ár aptanyń sońynda bir-bir kúnnen demalys beriledi.

Byltyrǵy jarysty jalpy­komandalyq esepte úshinshi orynda aıaqtap, bir kezeńde (Ion Isa­gırre, 6-kezeń) jeńiske jetken Astana – Premier Tech komandasy ókilderi osy maýsymda da jalpy esepte bolsyn, jekelegen kezeńde bolsyn jeńiske jetýdi kózdeıdi. Jáne bıyl soǵan saı myqty shabandozdardan quralǵan qurammen qatyspaq.

«Ispanııa Výeltasy-2021» Grand-týrynda «Astana» velo­ko­mandasynyń bir top ıspa­nııa­lyq veloshabandozy óner kórse­tedi. Atap aıtar bolsaq, Aleks Aranbýrý, Omar Fraıle, Ion Isagırre, Gorka Isagırre, Oskar Rodrıges, Lýıs Leon San­ches jáne Aleksandr Vlasov (Re­seı) pen qazaqstandyq Iýrıı N­atarov bas júlde úshin baq synap kóredi. Árıne, jankúıerler de, klýb bas­shylyǵy da bul qurammen ja­rystyń kóshin bastaý ońaı emes ekenin jaqsy túsinedi. Áıt­kenmen qazaqstandyq-kanadalyq komanda «Výeltada» kezeń je­ńimpazy ataný úshin bar kúshin salatyny anyq.

Jýyrda ǵana máresine jetken «Djıro d’Italııa-2021» ve­lo­do­dasynyń bas klassıfıka­sııa­synda tórtinshi nátıje kór­set­ken Aleksandr Vlasov bı­yl­ǵ­y «Výeltada» komanda kósh­bas­shy­sy bolyp, jalpy esepte joǵary oryndar úshin talasady. Oǵan Ion men Gorka Isagırre, Lýıs Leon Sanches, Omar Fraıle, Oskar Rodrıges, Aleks Aranbýrý jáne Grand-týrdaǵy debıýtin asyǵa kútip júrgen qazaqstandyq jas shabandoz Iýrıı Natarov kómektesedi.

«Biz Ispanııaǵa myq­ty qu­ram­men attanyp baramyz. Alek­­sandr Vlasov biz­diń kósh­basshymyz bolady jáne ol «Výeltadaǵy» byltyrǵy ná­tı­­jesin jaqsartady dep úmit­tenemiz. A.Vlasov qazir naǵyz ba­bynda. Bizdiń velosha­bandozdar quramynda alty ıs­panııalyq bar. Sondyqtan olar da óz elinde ótetin jarystyń qan­shalyqty mańyzdy ekenin jaqsy biledi. Ion, Gorka, Lýıs Leon, Aleks, Omar jáne Oskar Vlasovqa she­shýshi kezeńderde kómektesedi. Biraq olar jekeleı kezeńderde de baǵyn synap kóredi. 24 jastaǵy Iýrıı Na­tarov «Výeltada», jalpy al­ǵanda Grand-týrda debıýt jasaýǵa daıyndalyp jatyr. Ol osyndaı iri jarystarǵa qatysý arqyly tájirıbe jı­naq­tap, kásibı veloshabandoz re­tin­de damı túse­di», dedi ko­man­­da­nyń sport mened­jeri Dmı­t­­rı­ı Fofonov.

Búginge deıin «Ispanııa Výel­­­tasynda» talaı myqty ve­lo­­­sha­bandozdyń óner kórset­keni belgili. Osy dodada qa­ta­rynan eki jyl (2019, 2020) jalpy esepte kósh bastap, qyzyl jeıdeni eshkimge ber­megen slovenııalyq Prımoj Roglıch (Team Jumbo-Visma) bıyl da úz­dikter qata­rynan kórinýge nıetti. Sondaı-aq bıylǵy jarystan ózge de ataqty veloshabandozdar tys qalǵan joq. Atap aıtar bolsaq, 2019 jyl­ǵy «Djıro d’Italııa» Grand-týry­nyń jeńimpazy, Tokıo Olım­pıa­dasynyń chempıony ekva­dorlyq Rıchard Karapas (Ineos Grenadiers), bıylǵy «Djıro d’Italııa-2021» dodasynyń bas júl­­desin oljalaǵan ekvadorlyq Egan Bernal (Ineos Grenadiers), brıtanııalyq Hıý Kartı (EF Education – Nippo), ıs­pa­nııalyq Mıkel Landa (Bahrain-Victo­rious) jáne taǵy basqa tany­mal ve­losha­bandozdar jarys kórigin qyz­dyrmaq.