Syrtqy saýda aınalymy artty

Úkimet baspasóz qyzmetiniń habarlaýynsha, shıkizattyq emes ta­ýarlar eksporty 23,4 paıyzǵa ósip, 7,2 mlrd dollarǵa jetken. Sondaı-aq metallýrgııa (+27,5 paıyz), qurylys ın­dýs­t­rııa­sy (+25,8 paıyz), far­­ma­sev­tıka (+18,4 paıyz), hı­mııa­lyq ónerkásip (+4,6 paıyz) sa­la­synda da eleýli ósim baı­qalady.

Aýyl sharýashylyǵy óner­kásibiniń óńdelgen ónimderiniń eksporty 2020 jylmen salys­tyrǵanda 10,8 paıyzǵa deıin ul­ǵaıǵan. Sóıtip 545,8 mln dol­lardy quraǵan. Sondaı-aq bul derek agroónerkásip ke­sheni eksportynyń 33 paıyzyn enshileıdi. Eksporttyq qu­rylymda un, makaron, ósimdik maıy, et jáne sút ónimderi, kondıterlik ónimder, maqta ónimderiniń úlesi basym.

Qazirgi tańda shıkizattyq emes taýarlar men qyzmetter mól­sherin arttyra túsý úshin eksport­taýshylarǵa baǵyt­tal­ǵan mem­lekettik qoldaý sha­ra­lary júzege asyrylý­da. Olardyń qa­ta­ry­na – jeńil­de­til­gen nesıeleý men saq­tan­­dy­rýdy, eksporttaýshylar shy­ǵynynyń bir bóligin óteý, eksporttyq akselerasııa, elektrondy platformalarǵa shyǵarý sharalaryn jatqyzýǵa bolady. Eske salsaq, Prezı­dent Qasym-Jomart Toqaev Túrik­menstanda ótken Ortalyq Azııa Memleketter basshylarynyń kezdesýinde «Qazaqstannyń Orta Azııa elderine shyǵaratyn eksporttyq taýarlarynyń qunyn 1 mlrd dollarǵa deıin jetkizemiz», degen bolatyn. Prezıdenttiń aıtýynsha, sońǵy bes jylda Qazaqstannyń Orta Azııa elderimen syrtqy saýda aınalymy bir jarym ese ósip, 4,6 mlrd dollarǵa jetken.

Saýda jáne ıntegrasııa mınıstri Baqyt Sultanovtyń aıtýynsha, óńirlik saýdany birlese júzege asyrý birlesken tyń jobalardyń dúnıege kelýine sebepshi bolady.

– Mysaly, kólik dálizderiniń birlesken ıdeıalary iske asyrylýda. О́nerkásiptik kooperasııany damytý boıynsha qabyldanǵan ekijaqty jol kartalary qarqyndy túrde iske asyrylýda. Buǵan Qazaqstan men О́zbekstan avtoónerkásibiniń reseılik áriptestermen tyǵyz óz­ara is-qımyl kezindegi ynty­maqtastyǵy jaqsy mysal bola­dy. Bul – ekonomıkalyq óz­ara is-qımyldyń múldem bas­qa deń­geıi. Yntymaqtas­tyq deń­­ge­ıin te­reń­detýge kómek­tesý­ge ar­nal­ǵan bizdiń bas­qa usyny­sy­myz – úshin­shi elderdiń naryǵyna shy­ǵa­ryla otyryp, «Ortalyq Azııa­da jasalǵan» biryńǵaı brendi­men birlesken ónimder shy­ǵa­ratyn transshekaralyq saý­­­da ortalyqtaryn birlesip qu­­rý men damytý, – deıdi mınıstr.