Jetinshi utys oıyny 21 tamyzda saǵat 17:00-de Nur-Sultan qalasy ákimdiginiń áleýmettik paraqshalarynda (Facebook, YouTube) tikeleı efırde ótedi. Oǵan 14 tamyz ben 20 tamyz aralyǵynda ekpe alǵandar qatysady, dep jazady Egemen.kz.
«Utys oıynyna qatysý avtomatty túrde júzege asady, azamattarǵa qujat toltyryp, tirkelýdiń qajeti joq», dep jazady qala ákiminiń resmı saıty.
Elorda ákimdigi ekpe alǵandar arasynda iPhone12 jáne basqa da qundy syılyqtardyń utys oıynyn apta saıyn ótkizip turatynyn eske salamyz. Mysaly, 9 shildeden bastap vaksınasııalanǵandar arasynda 15 iPhone12, 5 tońazytqysh, 3 teledıdar, 2 planshet, 4 mıkrotolqyndy pesh, bes prınter, 2 beınetirkegish, kir jýǵysh mashına, Alısa aqyldy baǵany jáne aýa ylǵaldandyrǵysh jáne t. b. oınatyldy.
Sonymen qatar qyrkúıek aıynda ekpe alǵandar arasynda eki bólmeli páter oınatylady. Ony osy jyldyń 25 maýsymy men 31 tamyzy aralyǵynda vaksınanyń 1-shi komponentin alǵan 18 jastan asqan qala turǵyndarynyń utyp alý múmkindigi bar. Bul utys oıynyna vaksınasııanyń barlyq pýnkteri qatysady: medısınalyq mekemeler, saýda oıyn-saýyq ortalyqtary men saýda úıleri.
Sondaı-aq «MEGA Silk Way» saýda oıyn-saýyq ortalyǵyndaǵy vaksınasııa pýnktinde 1-shi komponentpen vaksınsııalanǵandar arasynda avtomobıldiń utys oıyny jarııalandy.