El Táýelsizdiginiń 30 jyldyǵyna oraı, Taraz qalasynda kóptegen ıgi is atqarylýda. Ásirese, jergilikti turǵyndar tarapynan talaı jyldan beri kóterilip kele jatqan kúrdeli máseleler oń sheshimin tabýda. Atap aıtsaq, aýlalardy abattandyrý, kóshelerdi jaryqtandyrý jumystary qarqyndy júrgizilýde.Atalǵan jumystardyń bári de El Táýelsizdiginiń 30 jyldyǵy aıasynda iske asyp otyr.
Bıyldyń ózinde oblys ortalyǵynda 30-dan astam kóshe jóndelýde. Bul maqsatqa bıýdjetten 1 mıllıard, 120 mıllıon teńge qarastyrylǵan. Qazirgi kezde Taraz qalasyndaǵy B.Momyshuly kóshesi kúrdeli jóndeýden ótip, oblys ortalyǵyndaǵy kóptegen kósheler men burylystarǵa da asfalt tóselýde. Sonymen qatar Taraz qalasynda Táýelsizdiktiń 30 jyldyǵyna oraı 30 sport nysany salynýda. Onyń ishinde 13 nysan «Tarazǵa tartý» jobasy aıasynda el ıgiligine berildi. Al 4 jańa fýtbol alańy memleket esebinen salynǵan. Sondaı-aq atalǵan nysandardyń ishinde muz aıdyny, boks saraıy, ústel tennısi men gımnastıka ortalyǵy jáne ózge de nysandar bar.
Táýelsizdiktiń 30 jyldyǵyna oraı, 30 balalar alańy ashylady dep josparlanýda. Onyń ishinde 13 nysan «Tarazǵa tartý» jobasy aıasynda el ıgiligine berilgen. Al 12 nysan memleket esebinen salynyp jatqan bolsa, 5 nysan demeýshiler esebinen salynýda. Alańdar 2-7 jas, 7-14 jas jáne 14 jastan joǵary bolyp bólingen. Qaýipsizdik úshin arnaıy jabyndylar tóselip, jattyǵýǵa qajetti quraldar ornatylǵan. Sonymen qatar Táýelsizdiktiń 30 jyldyǵyna oraı 30-dan astam kósheni jaryqpen qamtýǵa 200 mıllıon teńge bólingen. Bul qarajatqa bıyl 34 kóshe jaryqtandyrylady. Ásirese, balabaqshalar men mektepterge baratyn joldarǵa da basa nazar aýdarylady.
Taraz qalasynda 2021-2023 jyldarǵa arnaıy jospar bekitilgen. Aldaǵy 3 jylda 207 nysan jaryqtandyrylsa, uzyndyǵy 261,8 shaqyrym bolatyn 230 kóshe men burylys jóndelip, 241 aýla abattandyrylady.
Jambyl oblysy