Elordada alǵash ret sporttyq-medısınalyq ortalyq ashylmaq, dep jazady Egemen.kz Qalalyq Dene shynyqtyrý jáne sport basqarmasynyń resmı saıtyna silteme jasap.
«Elorda sportshylary jarys aldyndaǵy medısınalyq tekserýden emhanada kópshilikpen birge ótedi. Bul óz kezeginde sportshylarǵa qolaısyzdyqtar týǵyzyp, olardyń daıyndyǵy men saýyqtyrý prosesi sapasyna áser etedi. Osy sebepti sportshylar qala ákimimen kezdesýde bólek medısınalyq mekeme berýdi surady. Usynys qoldaý taýyp, bıyl elordada tuńǵysh ret arnaıy sporttyq-medısınalyq ortalyq ashylatyn boldy», dedi Qalalyq Dene shynyqtyrý jáne sport basqarmasynyń basshysy Samat Erǵalıev.
Onyń sózinshe, ortalyqta sportshylarǵa tereńdetilgen medısınalyq tekserýler júrgiziledi.
«Sporttyq-medısınalyq ortalyq sportshylardyń ońalýy jáne densaýlyǵyn qalpyna keltirýge múmkindik beredi. Sondaı-aq sportshylardyń densaýlyǵyn qadaǵalap, jaraqat alǵan jaǵdaıda emdeý úshin bilikti dárigerlerdi tartý qolǵa alynyp jatyr. Sporttyq dárigerlermen qatar psıholog, massajıst jáne sportshylardyń tamaqtanýyn qadaǵalaıtyn mamandar bolady», deıdi ol.