Palata Spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady Májilistiń baspasóz qyzmeti.
Palata Spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady Májilistiń baspasóz qyzmeti.
Palata qaraýyna Qylmystyq kodekstiń jobasy ilespe túzetýlerimen birinshi oqylymǵa shyǵarylady. Salalyq komıtet bıýroǵa baıandaý barysynda Qylmystyq kodeks jobasynyń jańa redaksııasy Qazaqstan Respýblıkasy Prezıdentiniń 2012 jylǵy 6 qańtardaǵy tapsyrmasyna oraı, 2010-2020 jyldarǵa arnalǵan Saıası-quqyqtyq tujyrymdamasynyń erejeleri men memlekettiń halyqaralyq mindettemelerin júzege asyrý qajettigin eskere otyryp jasalǵanyn atap ótti.
Jalpy otyrystyń kún tártibiniń jobasyna Túrkitildes memleketterdiń yntymaqtastyq keńesi Hatshylyǵynyń qarjylyq qaǵıdalary týraly kelisimdi ratıfıkasııalaýǵa qatysty zań jobasy da qosyldy.
Osylarmen qatar, palataǵa ratıfıkasııalanatyn eki zań jobasyna: «Jalaqyny qorǵaý týraly (95-konvensııa) jáne eń tómengi jalaqyny belgileý rásimin jasaý týraly» (26-konvensııa) qorytyndy ázirleý mezgilin naqtylaý usynyldy.