Shyǵys Qazaqstan oblysynda qoǵamdyq kólik aptanyń barlyq kúnderi qatynaıtyn boldy, dep habarlaıdy Egemen.kz.
ShQO bas memlekettik sanıtar dárigeriniń jańa qaýlysy jarııalandy. Onda jazylǵandaı, óńir boıynsha karantın 21 qyrkúıekke deıin uzartyldy.
Shekteý sharalarynyń merzimi oblys aýmaǵynda COVID-19 ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin.
«Qalalar men aýdandardaǵy obektiler óz qyzmetin «sary aımaq» úshin kórsetilgen talaptar negizinde jalǵastyrady. Jumysshylar arasynda COVID-19 ınfeksııasynyń taralý qaýpin azaıtý maqsatynda vaksına almaǵandarǵa jáne turaqty medısınalyq qarsy kórsetilimderi barlarǵa PTR-testileý júrgizilýi tıis. Naqty aıtqanda, vahtalyq ádispen jumys istep, kásiporyn aýmaǵynan júıeli túrde shyǵyp otyratyndar 7 kúnde 1 ret, al vahtadan belgili bir kezeńge deıin shyqpaıtyndar kelesi kezegi kelgenge deıin jáne vahtadan shyǵar aldynda 5 kún buryn synama tapsyrýǵa mindetti», delingen qujatta.
Sondaı-aq qaýlyda jazylǵandaı, qalalar men eldi mekender ishinde qoǵamdyq kólik aptanyń barlyq kúnderi qatynaıdy.